হোজাই, 3 ছেপ্টেম্বৰ : হোজাই জিলাৰ ডবকা NRI পাব্লিক স্কুলত বৰ্ণাঢ্য কাৰ্যসূচীৰে স্বাধীনতাৰ অমৃত উৎসৱ পালন কৰে 34 নং বেটেলিয়নৰ CRPF বাহিনীয়ে । উক্ত কাৰ্যসূচীতে ডবকাত উপস্থিত হোৱা CRPF ৰ 34 নম্বৰ বেটেলিয়নৰ উদ্যোগত চাইকেল ৰেলীত ভাগ লোৱা জোৱানৰ দলটোক আদৰণী জনোৱা হয় ৷ উল্লেখ্য যে, স্বাধীনতাৰ অমৃত উৎসৱৰ লগত সংগতি ৰাখি CRPFৰ জোৱান সকলে চাইকেল ৰেলীৰে যোৰহাটৰ পৰা আৰম্ভ কৰিছিল এই যাত্ৰা ৷
NRI স্কুলৰ ছাত্ৰ ছাত্ৰী সকলে চাইকেল ৰেলীৰে অহা CRPF ৰ দলটোক পুস্প বৃষ্টিৰে আদৰণি জনায় । ইয়াৰ লগতে প্ৰতিগৰাকী জোৱানক গামোচা পিন্ধাই জনোৱা হয় সম্ভাষণ। এই উপলক্ষে শুকুৰবাৰে হোজাইস্থিত CRPF ৰ 34 নম্বৰ বেটেলিয়নৰ শীৰ্ষ বিষয়া শিৱ শংকৰ উপাধ্যায়ৰ নেতৃত্বত ডবকা NRI পাব্লিক স্কুলত আয়োজন কৰা হয় এক সম্বৰ্ধনা সভাৰ ।
লগতে পঢ়ক : বৃহৎ নদী বান্ধ অসমৰ জৈৱ-বৈচিত্ৰৰ প্ৰতি ভাবুকি; লখিমপুৰত বীৰ লাচিত সেনাৰ প্ৰতিবাদ
উক্ত অনুষ্ঠানতেই এগৰাকী শ্বহীদ জোৱানৰ পিতৃ-মাতৃক সম্বৰ্ধনা জনালে CRPF ৰ DIGP হনুমান সিং ৰাবট সহিতে উচ্চ পদস্থ বিষয়া সকলে ৷ শ্বহীদ জোৱান গৰাকীৰ পিতৃ-মাতৃক সম্বৰ্ধনা জনোৱাৰ সময়ত শ্বহীদ জোৱান গৰাকীৰ মাতৃয়ে পুত্ৰক স্মৰণ কৰি আবেগিক হৈ পৰাৰ লগতে উপস্থিত উচ্চ পদস্থ বিষয়াক সাবটি কান্দোনত ভাগি পৰে ৷
অনুষ্ঠানত CFPF ৰ উচ্চ পদস্থ বিষয়া সকলৰ লগতে হোজাই জিলা প্ৰশাসনৰ প্ৰশাসনিক বিষয়া সকলো উপস্থিত থাকে ৷ জোৱান সকলৰ এই যাত্ৰা নতুন দিল্লীৰ ৰাজঘাটত অন্ত পৰিব বুলি উল্লেখ কৰে হোজাইস্থিত CRPF ৰ 34 নম্বৰ বেটেলিয়নৰ কামাণ্ডাৰ শ্বিব শংকৰ উপাধ্যায়ে ।
লগতে পঢ়ক : বিশ্বনাথত বহৎ পৰিমানৰ অবৈধ অৰুণাচলী সুৰা জব্দ
