হোজাই,15 মাৰ্চ: ৰাজ্যত গৰম হৈ পৰিছে নিৰ্বাচনী বতাহ ৷ দলৰ প্ৰচাৰত ব্যস্ত হৈ পৰিছে প্ৰতিটো ৰাজনৈতিক দলৰে নেতা-পালিনেতা ৷ ইয়াৰ মাজতে সোমবাৰে লামডিং সমষ্টিৰ টঙীয়াত নিৰ্বাচনী প্ৰচাৰৰ উদ্দেশ্য মুকলি কৰা হয় কংগ্ৰেছৰ এটা কাৰ্যালয় ৷ কংগ্ৰেছী প্ৰাৰ্থী স্বপন কৌৰে মুকলি কৰে উক্ত কাৰ্যালয়টো ৷
উল্লেখ্য যে,কিছুদিন পূৰ্বে লামডিং সমষ্টিৰ পৰা টিকট পোৱা-নোপোৱাক লৈ একাংশই সৃষ্টি কৰিছিল দলীয় সংঘাত ৷ কিন্তু বৰ্তমান সকলো একেখন মজিয়াতে থকা দেখা গৈছে ৷ সকলোৰে উদ্দেশ্য কংগ্ৰেছ প্ৰাৰ্থী স্বপন কৌৰক জয়ী কৰাব লাগে ৷ লামডিঙত কংগ্ৰেছ জয় হোৱাটো খাটাং বুলি মন্তব্য কৰিছে স্বপন কৌৰে ৷
