হোজাই, 15 জুলাই: পুনৰ কথা দি কথা ৰাখিলে মুখ্যমন্ত্ৰী ড৹ হিমন্ত বিশ্ব শৰ্মাই । যোৱা সোমবাৰে মুখ্যমন্ত্ৰীগৰাকীয়ে বান পৰিস্থিতি পৰ্যবেক্ষণৰ বাবে উপস্থিত হৈছিল হোজাইত (CM Himanta Biswa Sarma in Hojai)৷ সেই সময়তে হোজাইৰ নওভঙাৰ বিশেষভাবে সক্ষম প্ৰিয়া দাসৰেও কথোপকথন হৈছিল মুখ্যমন্ত্ৰীগৰাকীৰ ।
প্ৰিয়া দাসক সাক্ষাতৰ পাচতে মুখ্যমন্ত্ৰীগৰাকীয়ে আৰ্থিকভাৱে সহায় কৰাৰ প্ৰতিশ্ৰুতি প্ৰদান কৰিছিল তেওঁক ৷ প্ৰতিশ্ৰুতি অনুসৰিয়েই ড৹ শৰ্মাই পৰৱৰ্তী সময়ত জিলা প্ৰশাসন আৰু স্থানীয় বিধায়কৰ জৰিয়তে ২৫ হাজাৰ টকাৰ এখন চেক প্ৰদান কৰিছিল বিশেষভাৱে সক্ষম যুৱতীগৰাকীক (Himanta Biswa sarma gives cheque to Hojai girl) । মুখ্যমন্ত্ৰীগৰাকীৰ দ্বিতীয় প্ৰতিশ্ৰুতি আছিল এটা মোবাইল ফোন দিয়াৰ । মোবাইল ফোনটো লাভ কৰিলে মামা অৰ্থাৎ মুখ্যমন্ত্ৰীগৰাকীলৈ ফোন কৰিব বুলিও মন্তব্য কৰিছিল প্ৰিয়া দাসে (Hojai girl Priya Das)।
অৱশেষত সেই প্ৰতিশ্ৰুতিও পূৰণ কৰিলে মুখ্যমন্ত্ৰীগৰাকীয়ে । আজি হোজাইৰ বিধায়ক ৰাম কৃষ্ণ ঘোষে নিজ হাতেৰে প্ৰদান কৰিলে এটা এণ্ড্ৰইড ম’বাইল ফোন । প্ৰিয়া দাসৰ পঢ়া শুনা কৰাৰ মন থকাৰ কথা হোজাই বিধায়কগৰাকীক জনোৱাত বিধায়কগৰাকীয়ে শিক্ষা বিভাগৰ লগত আলোচনা কৰি ব্যৱস্থা গ্ৰহণৰো আশ্বাস প্ৰদান কৰে প্ৰিয়া দাসক ।
লগতে পঢ়ক: Vineet Bagaria suicide case: কিডনী বিক্ৰী কৰি বৈদুল্লা খানক টকা দিয়াৰ অভিযোগ
