হোজাই, 1 অক্টোবৰ: আজি অসম আৰক্ষী দিৱস (Assam Police Day) ৷ আজিৰ দিনটোতে হোজাইলৈ গৌৰৱ কঢ়িয়াই আনিছে দুগৰাকী আৰক্ষী বিষয়াই ( ASP and DSP of Hojai) ৷ অসম আৰক্ষী সঞ্চালক প্ৰধানৰ বিশেষ প্ৰশস্তি প্ৰশংসা ২০২১-২২ বঁটা লাভ কৰিবলৈ সক্ষম হৈছে হোজাইৰ এই দুগৰাকী আৰক্ষী বিষয়াই ।
বঁটা লাভ কৰা আৰক্ষী বিষয়া দুগৰাকীৰ নাম ক্ৰমে, হোজাইৰ অতিৰিক্ত আৰক্ষী অধীক্ষক পণজিৎ দুৱৰা আৰু উপ আৰক্ষী অধীক্ষক ৰজি তালুকদাৰ (DGP's Commendation Medal) ৷ কিছুদিন পূৰ্বে অতিৰিক্ত আৰক্ষী অধীক্ষক পণজিৎ দুৱৰাই (APS Ponjit Dowarah) ৰে’লত অভিযান চলাই বহু পৰিমাণৰ গাঞ্জা জব্দ কৰিছিল ৷
ইফালে, উপ আৰক্ষী অধীক্ষক ৰজি তালুকদাৰেও (DSP Rosy Talukdar) অভিযান চলাই বহু সংখ্যক ভূৱা পাচপৰ্ট জব্দ কৰা বাবে লাভ কৰে অসম আৰক্ষী সঞ্চালক প্ৰধানৰ বিশেষ প্ৰশস্তি প্ৰশংসা ২০২১-২২ বৰ্ষৰ বঁটা ৷
