হাইলাকান্দি/নলবাৰী,13 ছেপ্তেম্বৰ: হাইলাকান্দিত ধাৰাবাহিকভাৱে বৃদ্ধি পাইছে অপৰাধমূলক কাৰ্যকলাপ ৷ বিশেষকৈ চোৰৰ আতংকই স্ত্ৰস্তমান কৰি তুলিছে চহৰবাসীক ৷ শনিবাৰে নিশা হাইলাকান্দিৰ লক্ষীচহৰ নিবাসী নৃপেন্দ্ৰ নাথ নামৰ ব্যক্তিগৰাকীৰ পৰিয়ালে এটা জন্মদিনৰ নিমন্ত্ৰণ ৰক্ষাৰ্থে গৈছিল ৷ পৰিয়ালটো বাহিৰলৈ যোৱাৰ তিনি ঘণ্টাৰ ভিতৰতে চোৰে ঘৰটোত প্ৰৱেশ কৰি লুটি লৈ যায় প্ৰায় 5 লক্ষাধিক মূল্যৰ সোণৰ গহণাৰ লগতে 40 হাজাৰ নগদ ধন ৷ ঘটনাস্থলীত আৰক্ষী উপস্থিত হৈ প্ৰাথমিক তদন্ত আৰম্ভ কৰিছে যদিও এই মুহুৰ্তলৈকে চোৰৰ কোনো সন্ধান লাভ কৰিব পৰা নাই ৷
ইফালে,নলবাৰীতো চলিল চোৰৰ চাফাই অভিযান ৷ জিলাখনৰ মাখিবাহাস্থিত এটা ব্যক্তিগত টেলিভিছন চেনেলত কৰ্মৰত সাংবাদিক ৰূপ কুমাৰ শৰ্মাৰ গৃহত শনিবাৰে নিশা চোৰে তাণ্ডৱ চলাই লুটি নিয়ে সোণৰ গহণা, আ-অলংকাৰকে ধৰি বিভিন্ন মূল্যৱান সামগ্ৰী ৷ শৰ্মাৰ বাসগৃহত কোনো নথকাৰ সুযোগতে চোৰে লুটি নিয়ে সমস্ত বয়-বস্তু ৷ বিগত কিছুদিনপূৰ্বে টিহুত চিলনী চোৰে উপদ্ৰৱ চলোৱাৰ পিছত শনিবাৰে নিশা সংঘটিত এই চুৰি কাৰ্যই আতংকিত কৰিছে টিহুবাসীক ৷ এই খবৰ লাভৰ পিছতে ঘটনাস্থলীত উপস্থিত হৈছে টিহু আৰক্ষী ৷
লগতে চাওকঃ বিহাৰত পেট্ৰ’লিয়াম খাদৰ তিনিটা প্ৰকল্প মুকলি কৰিব প্ৰধানমন্ত্ৰীয়ে
