হাইলাকান্দি, 12 ফেব্ৰুৱাৰীঃ বৃহস্পতিবাৰে হাইলাকান্দিত আধাৰ কাৰ্ডৰ কামত নিয়োজিত অস্থায়ী কৰ্মচাৰী সকলে সাব্যস্ত কৰে উত্তাল প্ৰতিবাদ । বকেয়া দৰমাহ মুকলিৰ দাবীত পাৰিজা এন্টাৰপ্ৰাইজৰ বিৰুদ্ধে জিলা উপায়ুক্তৰ কাৰ্যালয়ৰ সম্মুখত সাব্যস্ত কৰে এই প্ৰতিবাদ ৷ বকেয়া ধন প্ৰদান নকৰালৈকে আধাৰ কাৰ্ড কেন্দ্ৰত সম্পূৰ্ণৰূপে কাম স্থগিত ৰখাৰ সকিয়নী প্ৰদান কৰে আধাৰ কাৰ্ডৰ কৰ্মচাৰী সকলে ৷
উল্লেখ্য যে, বিগত প্ৰায় ২ বছৰ ধৰি মাহেকীয়া দৰমহা পৰা বঞ্চিত হৈ আহিছে হাইলাকান্দিৰ বিভিন্ন আধাৰ কাৰ্ড কেন্দ্ৰৰ অস্থায়ী কৰ্মচাৰী সকল । ‘‘Parizah Enterprise’’ নামৰ এটা বে-চৰকাৰী সংস্থাই হাইলাকান্দি জিলাত চৰকাৰী ভাৱে আধাৰ কাৰ্ড কেন্দ্ৰ সমূহত আধাৰ কাৰ্ড বনোৱাৰ অনুমোদন লাভ কৰিছিল ৷
কিন্তু পৰিতাপৰ বিষয় যে, এই আধাৰ কাৰ্ড কেন্দ্ৰ সমূহত বিগত প্ৰায় 2 বছৰ ধৰি কম্পিউটাৰ অপাৰেটৰ হিচাপে নিয়োজিত হৈ থকাৰ স্বত্বেও বৰ্তমানলৈকে পোৱা নাই এটকাও দৰমহা ৷ ফলত উপায়ন্তৰ হৈ এই কৰ্মচাৰী সকলে নিজৰ প্ৰাপ্য বিচাৰি বহিল প্ৰতিবাদত ৷
উল্লেখ্য যে, আধাৰ কাৰ্ড কেন্দ্ৰৰ অস্থায়ী কৰ্মচাৰী সকলে বহু চাপৰ বোজা মূৰত লৈ নিজ কৰ্মত নিয়োজিত হৈ থাকে ৷ কিন্তু কষ্টৰ ফল লাভ নকৰা ক্ষুভিত হৈ পৰিছে এইসকল কৰ্মচাৰী ৷
ফলত উপায়ন্তৰ হৈ আন্দোলনৰ পথ বাচি লৈছে এই সকল কৰ্মচাৰীয়ে ৷ আনকি প্ৰাপ্য দৰমহা প্ৰদান নকৰা পৰ্যন্ত আগন্তুক 15 ফেব্ৰুৱাৰী পৰা হাইলাকান্দি সকলো আধাৰ কাৰ্ড কেন্দ্ৰ বন্ধ ৰখাৰ হুংকাৰ প্ৰদান কৰিছে কৰ্মচাৰীসকলে ৷
লগতে পঢ়কঃ সৰভোগত 170 কোটি টকাৰ কামৰ শুভাৰম্ভণিৰে 21ৰ ৰণডংকা বজালে হিমন্তই
