শিলচৰ, 31 মে' : হাইলাকান্দি জিলাৰ পাঁচগ্ৰামত এগৰাকী মহিলাৰ দেহত পোৱা গৈছে ক'ভিড-19 । বিগত সময়চোৱাত কোৱাৰেন্টাইন হৈ আছিল মহিলাগৰাকী । এই ঘটনাত অঞ্চলটোৰ লোকসকল মাজত আতংকৰ সৃষ্টি হৈছে । হাইলাকান্দি জিলা প্ৰশাসনে সমগ্ৰ অঞ্চলটো সাময়িকভাৱে ছীল কৰি দিছে।
উল্লেখ্য যে, অসমত বিগত কেইদিনত অভাৱনীয়ভাৱে ক'ভিড-19 আক্ৰান্তৰ সংখ্যা বৃদ্ধি পাইছে ৷ বৰ্তমানলৈকে ৰাজ্যখনত 1339 গৰাকী লোক আক্ৰান্ত হোৱাৰ বিপৰীতে আৰোগ্য লাভ কৰিছে 185 গৰাকীয়ে ৷ আনহাতে ৰাজ্যত ক'ভিড-19ত মৃত্যু হৈছে 4 জনৰ ৷
লগতে পঢ়ক : পুখুৰীত ডুবি সলিল সমাধি কিশোৰৰ
