গোলাঘাটত ৰাসৰ আনন্দ-উল্লাসৰ মাজতে বন্য হস্তীৰ আতংক

গোলাঘাটৰ মূৰফুলনীত অব্যাহত হাতী মানুহৰ সংঘাত ৷ ৰাস উপভোগ কৰিবলৈ যোৱা দৰ্শক তথা উদযা্পন সমিতিৰ কৰ্মকৰ্তা সকলো ওৰে নিশা ব্যস্ত থাকিল হাতী খেদাত ৷

গোলাঘাট,14 নৱেম্বৰ: গোলাঘাট মূৰফুলনীত বুধবাৰে নিশা হাতী মানুহৰ সংঘাত । জিলাখনত দিনে নিশাই চলিছে বন্য হস্তীৰ উপদ্ৰৱ ৷ 70/80 জনীয়া এটা বৃহৎ বন্য হস্তীৰ জাকে ৰাসৰ আনন্দ উল্লাসৰ মাজতে চলালে সন্ত্ৰাস । ৰাস উপভোগ কৰিবলৈ যোৱা দৰ্শক তথা উদযাপন সমিতিৰ বিষয়ববীয়াই ৰাস উপভোগ কৰাৰ পৰিৰ্ৱতে ওৰে নিশা ব্যস্ত থাকিল হাতী খেদাত । যাৰ বাবে ৰাস উপভোগ কৰাৰ পৰা বঞ্চিত হয় মূৰফুলনীবাসী ৷ ইফালে বন্য হস্তীয়ে নষ্ট কৰিছে বিঘাই বিঘাই ধান খেতি । বন্য হস্তীৰ উপদ্ৰৱক ৰাজনৈতিক ষড়যন্ত্ৰ আখ্যা দিয়া বনমন্ত্ৰী গৰাকীৰ বিৰুদ্ধে ৰাইজৰ ক্ষোভ। দীৰ্ঘদিনীয়া হস্তী-মানৱৰ সংঘাতৰ সমস্যা ৰোধ কৰিবৰ বাবে চৰকাৰক ফলপ্ৰসূ ব্যৱস্থা গ্ৰহণৰ দাবী জনাইছে গোলাঘাটবাসীয়ে ৷

লগতে পঢ়ক : ভক্তিবাদৰ ৰোষত ভুগিব লাগিব বিধায়ক পদ্ম হাজৰিকা!