গোলাঘাট,14 ফেব্ৰুৱাৰী : গোলাঘাট জিলাৰ খুমটাই চাহ বাগিচাত দেওবাৰে উদযাপন কৰা হয় অসম প্ৰদেশ কুঁডুখ (ওৰাওঁ) সংঘৰ 61 সংখ্যক কেন্দ্ৰীয় প্ৰতিষ্ঠা দিৱস ৷ খুমটাই চাহ বাগিচাৰ মজদুৰ ক্লাবঘৰত অনুষ্ঠিত হোৱা বাৰেৰহণীয়া অনুষ্ঠানৰ কার্যসূচী আৰম্ভ কৰা হয় চাফাই অভিযানেৰে ৷
পুৱা 9 বজাত বৃক্ষৰোপণ কৰে নৰেণ গঞ্জু, সংঘৰ পতাকা উত্তোলন কৰে কেন্দ্ৰীয় সমিতিৰ সভাপতি চেনিৰাম ওৰাওঁ, স্মৃতি তর্পণ কৰে কেন্দ্ৰীয় সমিতিৰ সাধাৰণ সম্পাদক শংকৰ ওৰাওঁৱে ৷ সভাৰ মুখ্য কার্যসূচী মুকলি সভাৰ সভাপতিত্ব কৰে কেন্দ্ৰীয় সমিতিৰ সভাপতি চেনিৰাম ওৰাওঁৱে ৷
আনহাতে, মুকলি সভাত নিদিষ্ট বক্তা ৰূপে উপস্থিত থাকে অসম প্ৰদেশ কুডুঁখ (ওৰাওঁ) সমিতিৰ উপদেষ্টা গংগাৰাম ওৰাওঁ, মুখ্য অতিথি হিচাপে অংশগ্ৰহণ কৰে মুখ্য উপদেষ্টা যোগেশ্বৰ ওৰাওঁ আৰু ডিব্ৰু ওৰাওঁ ৷
এই অনুষ্ঠানতে আগন্তুক বৰ্ষত অসম প্ৰদেশ কুডুঁখ (ওৰাওঁ) সংঘৰ হীৰক জয়ন্তী মৰিয়নিৰ সোণোৱাল চাহ বাগিচাত অনুষ্ঠিত হ’ব বুলি ঠিৰাং কৰা হয় ৷ অনুষ্ঠানত উপস্থিত থাকে ৰাজ্যৰ ভিন্ন প্ৰান্তৰ ওৰাওঁ সম্প্ৰদায়ৰ লোকসকল ৷
লগতে পঢ়ক : সমষ্টিক লৈ স্থিতি স্পষ্ট নহয় দুই প্ৰধান ৰাষ্ট্ৰীয় দলৰ ৰাজ্যিক সভাপতিৰ
