গোলাঘাট,27 অক্টোবৰঃ পৰম্পৰা অনুসৰি প্ৰতিবছৰৰ দৰে অহা ৩ নৱেম্বৰত ঐতিহাসিক সমন্বয় ক্ষেত্ৰ বৰগুৰিত ভোগ দিয়া উৎসৱ অনুষ্ঠিত হ'ব ৷ তাৰ পৰিপ্ৰেক্ষিতত খুমটাইৰ অকামলুৱাত সকলো আৱশ্যকীয় প্ৰস্তুতি তুংগত হৈ উঠা পৰিলক্ষিত হৈছে ৷ অসমৰ বিভিন্ন প্ৰান্তৰ এক লাখ ভক্ত প্ৰাণ বৈষ্ণৱক আদৰিবলৈ সাজু হৈছে উদযাপন সমিতিৰ লগতে সমূহ গাওঁবাসী । গাঁৱৰ সমূহ পুৰুষ,মহিলা আৰু স্থানীয় স্বেচ্ছাসেৱী সংগঠন প্ৰয়াস সমাজ কল্যাণ সমিতিয়ে হাতত ঝাৰু কোৰ লৈ এই ঐতিহাসিক বৰগুৰিৰ বিভিন্ন স্থানসমূহ সুন্দৰকৈ পৰিস্কাৰ কৰাত ব্যস্ত হৈ পৰিছে । এই ভোগদিয়াত প্ৰতি বছৰে লাখ লাখ পাতিহাহঁ, পাৰ চৰাই, ভক্তসকলে মনোবাঞ্চা পূৰণৰ অৰ্থে আগবঢ়াই আহিছে । এই ভোগ প্ৰস্তুত কৰিবলৈ উদযাপন সমিতিয়ে গাঁৱৰ প্ৰায় ২০০ দেউৰী লগতে বহুসংখ্যক স্বেচ্ছাসেৱকৰ ব্যৱস্থা কৰিছে । উৎসৱটি সাফল্যমণ্ডিত কৰি তোলাৰ বাবে সমূহ ভক্ত-প্ৰাণ ৰাইজৰ সহায়-সহযোগিতা আৰু উপস্থিতি উদযাপন সমিতিয়ে কামনা কৰিছে ৷
আৰু পঢ়ক ৰাজ্যত প্ৰথমবাৰলৈ দক্ষিণ-পূব এছিয়া সাংস্কৃতিক সন্মিলন
