গোলাঘাট, 8 জুনঃ জন্মলগ্নৰে পৰা বিশেষভাৱে সক্ষম গোলাঘাটৰ কাকডোঙা অঞ্চলৰ শিৱা চবৰ ৷ সকলো বাধা নেওচিও শিৱাই সদ্যঘোষিত হাইস্কুল শিক্ষান্ত পৰীক্ষাত দেখুৱাইছে সন্তোষজনক ফলাফল ৷ ঐচ্ছিক বিষয় PRIVATE SECURITY NSQFত লেটাৰসহ ৪৩.5 শতাংশ নম্বৰেৰে উত্তীৰ্ণ হৈছে ছাত্ৰ গৰাকী ৷
পিতৃ-মাতৃয়ে দিন হাজিৰা কৰি কোনোমতে পোহপাল দি আহিছে পৰিয়ালটোক ৷ অভিভাৱকৰ অশেষ কষ্ট আৰু ৰাইজৰ সহায় সহযোগত কাকডোঙা উচ্চতৰ মাধ্যমিক বিদ্যালয়ৰ পৰা হাইস্কুল শিক্ষান্ত পৰীক্ষাত অৱতীৰ্ণ হৈছিল ছাত্ৰগৰাকী ৷ শাৰীৰিকভাৱে সক্ষম ছাত্ৰ গৰাকীৰ ফলাফলে উৎফুল্লিত কৰি তুলিছে সমগ্ৰ অঞ্চলবাসীক ৷ সম্প্ৰতি পৰিয়ালটোৱে শিৱাৰ উচ্চ শিক্ষাৰ বাবে সহায়ৰ আহ্বান জনাইছে ৰাইজক ৷
বিশেষভাৱে সক্ষম শিৱাৰ সফলতাই আনন্দিত কৰি তুলিছে কাকডোঙাবাসীক
