বোকাখাত, 29 অক্টোবৰ: ভিছা আইন ভংগ কৰাৰ অভিযোগত জৰিমনা বিহা হৈছে ৭ জাৰ্মান পৰ্যটকক (German tourists fined for violating visa laws) ৷ পৰ্যটকৰ ভিছা লৈ ভাৰতলৈ অহা ৭ গৰাকী পৰ্যটকে কাজিৰঙাত বাহৰ পাতি ধৰ্মপ্ৰচাৰত লিপ্ত হৈছিল (German tourists allegedly violate visa laws) । আৰক্ষীৰ তদন্তত এই কথা স্পষ্ট হোৱাৰ পিছত আৰক্ষীয়ে জেৰা চলাই পৰ্যটককেইগৰাকীক (Assam police grills German tourists) । এই সন্দৰ্ভত বিশেষ আৰক্ষী সঞ্চালক প্ৰধান জি পি সিঙে মন্তব্য প্ৰদান কৰিছে ৷
উল্লেখ্য যে, যোৱা ২৫ অক্টোবৰৰ পৰা কাজিৰঙাৰ এখন ব্যক্তিগত ৰিজ'ৰ্টত বাহৰ পাতি আছিল ৭ গৰাকী জাৰ্মান পৰ্যটকে (German tourists in Kaziranga)। অভিযোগ মতে ধৰ্মপ্ৰচাৰৰ ক্ষেত্ৰত তেওঁলোকক সহযোগ কৰিছে টেৰণ উপাধিৰ এজন স্থানীয় লোকে । শুকুৰবাৰে দিনজোৰা জেৰাৰ পিছত ভিছা আইন উলংঘা কৰাৰ অভিযোগত পৰ্যটককেইগৰাকীক ৫০০ ডলাৰকৈ জৰিমনা বিহে আৰক্ষীয়ে ।
লগতে পঢ়ক: German tourist detained : ধৰ্মপ্ৰচাৰৰ অভিযোগত কাজিৰঙাত জাৰ্মান পৰ্যটকক
ইতিমধ্যে, বৈদেশিক মন্ত্ৰণালয়ৰ সহযোগত নিজ দেশলৈ প্ৰেৰণ কৰাৰ ব্যৱস্থা কৰা হয় । বিশেষ আৰক্ষী সঞ্চালক প্ৰধানগৰাকীৰ মতে, যোৱা এটা মাহত ভিছা আইন উলংঘা কৰি ধৰ্মপ্ৰচাৰত লিপ্ত হোৱা ২৭ জন বিদেশী লোকক আটক কৰে আৰক্ষীয়ে । ইয়াৰ ভিতৰত বিশ্বনাথত ১৭ জন বাংলাদেশী, নামৰূপত ৩ জন ছুইডেনৰ নাগৰিক, কাজিৰঙাত ৭ জন জাৰ্মান নাগৰিকৰ বিৰুদ্ধে ব্যৱস্থা গ্ৰহণ কৰিছে আৰক্ষীয়ে । সমগ্ৰ বিষয় সন্দৰ্ভত তদন্ত অব্যাহত ৰাখিছে আৰক্ষীয়ে ।
ইপিনে ACS বিষয়া কে কে শৰ্মাৰ বাসগৃহৰ পৰা ৪৯,২৪৭০০ টকা উদ্ধাৰ কৰা বিষয় সন্দৰ্ভত মন্তব্য আৰক্ষী সঞ্চালকপ্ৰধানগৰাকীৰ । শুকুৰবাৰে আৰক্ষীৰ দুৰ্নীতি নিবাৰক শাখাৰ জালত পৰিছিল ACS বিষয়া কে কে শৰ্মা (Vigilance and Anti Corruption Assam) ৷ উৎকোচ লোৱাৰ সময়তে হাতে-লোটে ধৰা পৰে চৰকাৰী বিষয়াজন (Corrupted govt employee Assam) ৷
কে কে শৰ্মাক গ্ৰেপ্তাৰ কৰাৰ পিছতে তেওঁৰ বাসগৃহত দুৰ্নীতি নিবাৰক শাখাই চলাইছিল অভিযান ৷ এই অভিযানত তেওঁৰ বাসগৃহৰ পৰা জব্দ হয় ৪৯ লাখ ২৪ হাজাৰ ৭০০ টকা ৷ শুকুৰবাৰে ৯০ হাজাৰ টকাৰ উৎকোচ লৈ হাতে-লোটে গ্ৰেপ্তাৰ হৈছিল অসম চৰকাৰৰ যুটীয়া সচিব শৰ্মা ৷ এখন ছিকিউৰিটী ফাৰ্মৰ অনুজ্ঞা পত্ৰ নবীকৰণৰ নামত লৈছিল উৎকোচ ৷
লগতে পঢ়ক: Corrupted govt employee arrested : উৎকোচ লৈ গ্ৰেপ্তাৰ হ’ল অসম চৰকাৰৰ যুটীয়া সচিব কে কে শৰ্মা
