নগাঁৱৰ লগতে গোলাঘটত সংঘটিত হয় দুটাকৈ পথ দুৰ্ঘটনা

গণতন্ত্ৰ দিৱসৰ দিনাই গোলাঘাট জিলাত দুটাকৈ পথ দুৰ্ঘটনা হোৱাৰ লগতে জখলাবন্ধাৰ বাণিজ‍্য কেন্দ্ৰ ৩৭ নং ৰাষ্ট্ৰীয ঘাইপথৰ দাঁতিতো সংঘটিত হয় আন এক পথ দুৰ্ঘটনা ৷

গোলাঘাট, 26 জানুৱাৰীঃ গোলাঘাট জিলাৰ খুমটাই ধোধৰ আলিত তীব্ৰ বেগী এখন গাড়ীয়ে মহতিয়াই নিয়ে এগৰাকী কিশোৰীক ৷ কিশোৰীক গৰাকী খুমটাই পূবালী বৰা বুলি জানিব পৰা গৈছে ৷ সম্প্ৰতি গোলাঘাটৰ আদৰ্শ চিকিৎসালত চিকিৎসাধীন হৈ আছে কিশোৰীগৰাকী ৷

আনহাতে একেটা দিনতে গোলাঘাটত সংঘটিত হয় আন এক দুৰ্ঘটনা ৷ দুৰ্ঘটনাত প্ৰায় ১২ জন লোক আহত হোৱাৰ লগতে এজন লোক নিহত হয় ৷ জানিব পৰা মতে, কালীয়নী বুদ্ধ মন্দিৰত পিকনিক খাই ঘূৰি আহি থকাৰ সময়ত বকিয়াল নপামত সংঘটিত হয় দুৰ্ঘটনাটো ৷ আহত লোক সকলৰ ততাতৈয়াকৈ উন্নত চিকিৎসাৰ লৈ যোৱা হয় ৷

ইফালে জখলাবন্ধাৰ বাণিজ‍্য কেন্দ্ৰ ৩৭ নং ৰাষ্ট্ৰীয ঘাইপথৰ দাঁতিত সংঘটিত হয় আন এক পথ দুৰ্ঘটনা ৷ দুৰ্ঘটনাত মিছা পানী গাঁৱৰ বকুল কৰ্মকাৰ নামৰ লোকজন নিহত হোৱা বুলি জানিব পৰা গৈছে ৷ গুৰুতৰভাৱে আহত হয় দুগৰাকী লোক ৷ যোৰহাটৰ দিশৰ পৰা নগাঁৱৰ দিশলৈ গৈ থকা বলেৰ' এখনে লগতে পাঁচখন বাহন মহতিয়াই পথৰ দাঁতিত বাগৰি পৰে ৷ আহত লোক কেইগৰাকীক উন্নত চিকিৎসাৰ বাবে তেজপুৰলৈ প্ৰেৰণ কৰা হৈছে ৷

লগতে পঢ়ক ঃ ডিব্ৰুগড়ৰ মাইজান বৰপুল বিলত তিনিজন যুৱকৰ সলিল সমাধি