গোলাঘাট, 29 আগষ্টঃ বৃহস্পতিবাৰে গোলাঘাটৰ জিলাৰ জামুগুৰিৰ মলহানীটুপ গাঁৱৰ কৃষি ভূমিত এডাল প্ৰকাণ্ড অজগৰ উদ্ধাৰ হয় ৷ হালবাই থকা অৱস্থাত কৃষকে উদ্ধাৰ কৰে অজগৰ ডাল।
কৃষি ভূমিত উদ্ধাৰ প্ৰকাণ্ড অজগৰ
জিলাখনৰ জামুগুৰি আঞ্চলিক বন সংমণ্ডৰ অধীনৰ জামুগুৰি ফৰেষ্ট কেম্পৰ কিছু সমীপত উদ্ধাৰ হয় প্ৰায় 20 কিলো গ্ৰাম ওজনৰ অজগৰ ডাল ৷ দুজনমান কৃষকে টেক্টৰেৰে মাটি চহাই থকা অৱস্থাত অজগৰ ডাল প্ৰত্যক্ষ কৰে আৰু ততাতৈয়াকৈ জামুগুৰি বন কৰ্মীক খবৰ দি কৰি দিয়ে ৷ পৰৱৰ্তী সময়ত অজগৰডাল জামুগুৰি আঞ্চলিক বন বিষয়াৰ কাৰ্যালয়ৰ বনকৰ্মীয়ে নামবৰ অভয়াৰণ্যত মুকলি কৰি দিয়ে ৷ গাঁও বাসীয়ে জনোৱা অনুসৰি বিগত কিছুদিনৰ পৰা অজগৰটোয়ে অঞ্চলটোৰ বহু লোকৰ হাঁহ,কুকুৰা ভক্ষণ কৰি আহিছিল ।
