গোলাঘাট, ১৬ এপ্ৰিল: হেঁপাহৰ ৰঙালী বিহু বিভিন্ন জনে বিভিন্ন ধৰণেৰে উদযাপন কৰিছে । পৰিয়ালৰ পৰা আঁতৰি থকা ককা-আইতাসকলৰ সৈতে ৰঙালী বিহু উদযাপন কৰিলে অসম জাতীয়তাবাদী যুৱ পৰিষদৰ গোলাঘাট জিলা সমিতিৰ কৰ্মকৰ্তাই । 'আমাৰ ঘৰ' বৃদ্ধাশ্ৰমৰ ককা-আইতাসকলক সেৱা জনাই বিহুৰ পৰম্পৰা ৰক্ষা কৰিলে সংগঠনটোৱে ।
'বহাগী ক্ষণ, ৰাইজক কুশলে ৰখাৰ পণ' শীৰ্ষক অনুষ্ঠানৰ আয়োজন কৰে অসম জাতীয়তাবাদী যুৱ পৰিষদে । এই সম্বৰ্ধনা অনুষ্ঠানত ককাসকলক চেলেং, গামোচা আদি উপহাৰ হিচাপে দি সেৱা জনায় কৰ্মকৰ্তাসকলে । লগতে আইতাসকলকো চাদৰ, চেলেং আৰু গামোচা আগবঢ়ায় আশিস লয় ।
ককা-আইতাসকলকো বৃদ্ধ পেঞ্চন প্ৰদান কৰিবলৈ আৰু অৰুণোদয় আঁচনিকে ধৰি চৰকাৰী আঁচনিসমূহৰ সুবিধা প্ৰদান কৰিবলৈ এই অনুষ্ঠানৰ পৰাই সংগঠনটোৱে চৰকাৰক আহ্বান জনায় । লগতে অনাগত দিনবোৰত সংগঠনটোৱে যাতে ভালদৰে কাম কৰি যাব পাৰে তাৰ বাবে ককা-আইতাসকলৰ আশীৰ্বাদ লয় নেতা-কৰ্মীসকলে ।
লগতে পঢ়ক:গোলাঘাটত সমাজ কৰ্মীক সম্বৰ্ধনা যুৱ ছাত্ৰ পৰিষদৰ
