গোলাঘাট,17 এপ্ৰিলঃ ভাৰতবৰ্ষৰ অন্যতম এগৰাকী আধ্যাত্মিক গুৰু ভগৱান মহাবীৰৰ জন্মজয়ন্তী পালন কৰে গোলাঘাটৰ জৈন ধৰ্মাৱলম্বী লোকসকলে। 2618 সংখ্যক মহাবীৰ জয়ন্তী উদযাপনৰ লগত সংগতি ৰাখি বিভিন্ন পূজাৰ উপৰিও বুধবাৰে পুৱা এক ধৰ্মীয় শুভযাত্ৰাৰ আয়োজন কৰা হয়।
গোলাঘাটত মহাবীৰ জয়ন্তী উপলক্ষে শোভাযাত্ৰা
গুৰুজনাৰ বিভিন্ন আদৰ্শৰ লগতে অহিংসা পৰম ধৰ্মৰ বাণীৰে শোভাযাত্ৰাত অংশগ্ৰহণ কৰে জৈন ধৰ্মাৱলম্বী লোকসকলে। পুৱা গোলাঘাট বিঅ'চি স্থিত শ্ৰী শান্তিনাথ দিগম্বৰ জৈন চেত্যালয়ৰ পৰা পাৰ্শ্বনাথ দিগম্বৰ জৈন মন্দিৰত সমাপ্ত হয় শুভযাত্ৰা।
