খুমটাই, 28 এপ্ৰিলঃ অসমৰ বৃহত্তৰ চাওৰা সমাজৰ প্ৰতিষ্ঠাপক সভাপতি প্ৰয়াত দীননাথ চাওৰাৰ এক স্মৃতিচাৰণ সভা অনুষ্ঠিত হৈ যায় ৷ খুমটাইৰ বৰফলং চাহ বাগিছাৰ নিজ জন্মস্থানত মহান ব্যক্তিগৰাকীৰ স্মৃতিত অনুষ্ঠিত হয় এই সভা ৷
স্মৃতিচাৰণ সভা
গোটেই অসমৰ চাওৰা সমাজৰ বহুসংখ্যক লোকে অংশগ্ৰহণ কৰা স্মৃতিচাৰণ সভাত মুখ্য অতিথি হিচাপে উপস্থিত থাকে সদৌ অসম ক্ষুদ্ৰ চাহ খেতিয়ক সন্থাৰ প্ৰাক্তন সভাপতি জোন্তি খাউণ্ড ৷ সভাৰ লগত সংগতি ৰাখি এখনি স্মৃতিগ্ৰন্থৰ লগতে অসমৰ চাওৰা সমাজৰ ঘৰে ঘৰে সৰ্বমুঠ 2 লাখ গছপুলি ৰোপণৰ কথা প্ৰকাশ কৰে পৰিয়ালৰ লোকে ৷ আনহাতে বাগিছাখনৰ এটি পথ নাহৰ কৰিডৰ কৰাৰ কথাও প্ৰকাশ কৰে দীননাথ চাওৰাৰ পৰিয়ালৰ লোকে ৷
