গোলাঘাট, 5 আগষ্ট : 370 অনুচ্ছেদ বাতিলৰ সিদ্ধান্তক আদৰণি কাৰ্গিল শ্বহীদ জিণ্টু গগৈৰ পৰিয়ালৰ । এই সিদ্ধান্তক আদৰণি জনোৱাৰ লগতে এই ঐতিহাসিক সিদ্ধান্তত আজি তেওঁলোক সুখী বুলি কয় । কাৰ্গিল শ্বহীদ কেপ্টেইন জিণ্টু গগৈৰ পিতৃ ঠগিৰাম গগৈ আৰু মাতৃ দুলু প্ৰভা গগৈয়ে এইটো দেশৰ বাবে এটা ভাল খবৰ বুলি উল্লেখ কৰে । লাডাখক বেলেগ কৰি দিয়াৰ ফলত বহু উন্নয়ন কৰিব পাৰিব, পঢ়া শুনাকে ধৰি সকলোতে আগবাঢ়িব পাৰিব বুলি কয় জিণ্টু গগৈৰ পিতৃ ঠগিৰাম গগৈয়ে । এতিয়া পাকিস্তানীয়ে সেই অঞ্চলত আক্ৰমণ কৰিবলৈ সাহস কৰিব নোৱাৰিব বুলি বিশ্বাস । ভাৰতৰ ভিতৰতে থাকি ভাৰতৰ মানুহক আক্ৰমণ কৰি আহিছিল । এতিয়া সেই সাহস নাথাকিব আৰু জম্মু কাশ্মীৰৰ বহু উন্নতি হ’ব বুলি আশাবাদী শ্বহীদৰ পৰিয়ালটো ।
370 অনুচ্ছেদ বাতিলৰ সিদ্ধান্তক আদৰণি জিন্টু গগৈৰ পৰিয়ালৰ
