চৰণীয়া পথাৰলৈ পৰ্যবসিত খুমটাই প্ৰমোদ কানন উদ্যান

আজি পৰ্যন্ত ৰাইজৰ বাবে মুকলি হোৱা নাই খুমটাই সুগন্ধি বন ঔষধ বনানীকৰণ আৰু প্ৰমোদ কানন উদ্যান৷ ২০১১ বৰ্ষতেই এনৰেগা আঁচনিৰ অধীনত সেই সময়ৰ অসম চৰকাৰৰ গড়কপ্তানি বিভাগৰ মন্ত্ৰী অজন্তা নেওগে মুকলি কৰিছিল এই উদ্যান খন৷ প্ৰায় ১০ বিঘা মাটিত কেইবা লাখ টকাৰ ব্যয় সাপেক্ষে নিৰ্মাণ কৰা হৈছিল এই উদ্যানখন

খুমটাই, 7 ছেপ্তেম্বৰঃ খুমটাইৰ সুগন্ধি বন ঔষধ বনানীকৰণ আৰু প্ৰমোদ কানন উদ্যানখন আজি পৰ্যন্ত ৰাইজৰ বাবে মুকলি কৰা হোৱা নাই৷ ২০১১ বৰ্ষতেই এনৰেগা আঁচনিৰ অধীনত সেই সময়ৰ অসম চৰকাৰৰ গড়কপ্তানি বিভাগৰ মন্ত্ৰী অজন্তা নেওগে মুকলি কৰিছিল এই উদ্যান খন৷ প্ৰায় ১০ বিঘা মাটিত কেইবা লাখ টকাৰ ব্যয় সাপেক্ষে নিৰ্মাণ কৰা হৈছিল এই উদ্যানখন ৷ বহু প্ৰকাৰৰ ফলমূলৰ গছ,বহু উন্নত মানৰ বনৌষধি গছকে ধৰি শিশু সকলৰ মানসিক উৎকৰ্ষৰ বাবে অত্যাধুনিক খেলা ধূলাৰ সামগ্ৰী স্থাপন কৰা হৈছিল উদ্যানখনত ৷ কিন্তু আজি পৰ্যন্ত মূল দুৱাৰ খোল নোখোৱা উদ্যান খন ইতিমধ্যে হাবি জংঘলেৰে ভৰি পৰিছে ৷

ছাত্র ছাত্ৰী সকলৰ বাবে স্থাপন কৰা খেলৰ সামগ্ৰী সমূহো নষ্ট হৈ যাব ধৰিছে৷ বৰ্তমান গৰু ছাগলীৰ বিচৰণ স্থলীলৈ পৰিণত হোৱা উদ্যানখন অতি কম সময়ৰ ভিতৰত মেৰামতি কৰি বিভাগীয় বিষয়াক ৰাইজৰ বাবে মুকলি কৰিবলৈ অনুৰোধ জনায় স্থানীয় ৰাইজে৷