গোলাঘাট,20জুনঃগোলাঘাট জিলাৰ সৰুপথাৰত থকা ৰেচম বিভাগৰ দুটা মূগা উৎপাদন কেন্দ্ৰত দিনক দিনে কমি আহিছে মূগা উৎপাদন ক্ষমতা ৷ মূল সমস্যা সমাধানত গুৰুত্ব নিদি এটাৰ পিচত আন এটা গৃহ নিৰ্মাণ কৰি বিভাগটোৱে চৰকাৰী ধনৰ অপচয় কৰাহে পৰিলক্ষিত হৈছে ৷ উল্লেখযোগ্য যে মূগা পলু পুহিবলৈ কেন্দ্ৰ দুটাত নাই প্ৰয়োজনীয় চুমগছ ৷ মাত্ৰ কেইজোপামান চুম গছত থকা মূগা পলুক লৈ ব্যস্ত বিভাগটোৰ কৰ্মচাৰী ৷ কিন্তু তাৰ বিপৰীতে বিভাগটোৱে লাখ লাখ টকা ব্যয় সাপেক্ষে নিৰ্মাণ কৰিছে এটাৰ পিচত আন এটা গৃহ ৷
গোলাঘাটৰ সৰুপথাৰত থকা ৰেচম কেন্দ্ৰত উৎপাদন ক্ষমতা হ্ৰাস উল্লেখযোগ্য যে,মূগা উৎপাদন কৰিবলৈ মূগা পলু পুহিবলৈ হ'লে প্ৰয়োজন চুম গছৰ ৷ কিন্ত দুয়োটা কেন্দ্ৰতে নাই পৰ্যাপ্ত পৰিমাণৰ চুম গছ ৷ যি কেইডাল গছ আছিল সেয়াও গৰু ছাগলীয়ে নষ্ট কৰি পেলায় ৷ ছেৱাগুৰিত থকা ১৯ হেক্টৰ মাটিৰ এই মূগা উৎপাদন কেন্দ্ৰটোত সম্প্ৰতি প্ৰায় ১০ হেক্টৰ মাটিহে আছেগৈ যদিও চাৰিওফালে পকীবেৰা নথকাৰ বাবে চুম গছ সংৰক্ষণ কৰিব পৰা হোৱা নাই ৷ ৰেচম বিভাগে প্ৰথমতে কেন্দ্ৰটোত পকীবেৰাৰ বিষয়টো গুৰুত্ব দি নিৰ্মাণৰ ব্যৱস্থা কৰাৰ বিপৰীতে অন্যান্য গৃহ নিৰ্মাণতহে বেছি গুৰুত্ব প্ৰদান কৰা দেখা গৈছে ৷ যাৰ বাবে লাখ লাখ চৰকাৰী ধনৰ অপচয় হোৱাৰ লগতে অব্যৱহৃত হৈ আছে নৱনিৰ্মিত গৃহ সমূহ ৷ ইফালে বিভাগীয় এক সুত্ৰৰ মতে,সৰুপথাৰ আৰু ছেৱাগুৰিৰ মূগা উৎপাদন কেন্দ্ৰত নতুনকৈ চুম গছ ৰূপণৰ বাবে বিভাগে ঠিকাদাৰক ঠিকা প্ৰদান কৰাৰ পিছতো ৷ আজি পৰ্যন্ত কাম নকৰাৰ অভিযোগ উঠিছে ৷ ছেৱাগুৰিত ট্ৰেক্টৰেৰে হালবোৱা আৰম্ভ কৰিছিল যদিও সৰুপথাৰত সেয়াও আৰম্ভ কৰা পৰিলক্ষিত হোৱা নাই ৷ ইফালে মূল সমস্যা সমাধানৰ ক্ষেত্ৰত বিভাগক গুৰুত্ব প্ৰদান কৰাৰ লগতে অতিশীঘ্ৰে ঠিকাদাৰক কাম আৰম্ভ কৰিবলৈ দাবী জনাইছে ধনশিৰি মহকুমা চুতীয়া ছাত্ৰ সন্থাই ৷
লগতে চাওকঃ বঙাইগাঁৱত ধবংস বৃহৎ পৰিমাণৰ নিচাজাতীয় দ্ৰব্য
