গোলাঘাটত বিহু নাচি নিৰ্বাচনী প্ৰচাৰত ব্যস্ত গৌৰৱ গগৈ

আঠখেলীয়াত প্ৰথমখন নিৰ্বাচনী সভাত অংশ লৈ সমৰ্থকৰ সৈতে বিহু নাচি প্ৰচাৰ চলালে কংগ্ৰেছ প্ৰাৰ্থী গৌৰৱ গগৈয়ে ৷ এই প্ৰচাৰ সভাত গৌৰৱ গগৈক সংগ দিয়ে বিধায়িকা অজন্তা নেওগে

গোলাঘাট,5এপ্ৰিলঃ শুকুৰবাৰে গোলাঘাটত বিহু নাচি ব্যাপক নিৰ্বাচনী প্ৰচাৰত অংশ ল'লে কলিয়াবৰ লোকসভা সমষ্টিৰ কংগ্ৰেছ প্ৰাৰ্থী গৌৰৱ গগৈয়ে । গোলাঘাটৰ ঐতিহ্যমণ্ডিত আঠখেলীয়া নামঘৰত সেৱা আগবঢ়াই 6 খনকৈ নিৰ্বাচনী প্ৰচাৰ সভাত অংশ লয় ৷ গৌৰৱ গগৈৰ এই প্ৰচাৰ সভাত তেওঁক সংগ দিয়ে বিধায়িকা অজন্তা নেওগে ৷ ইপিনে মেৰপানীত গৌৰৱ গগৈয়ে নিৰ্বাচনী সভাত ভাষণ প্ৰসংগত পদুম ফুলে বহুতো মিছা কথা ক'লে বুলি কৈ এইবাৰ ৰাহুল গান্ধী প্ৰধানমন্ত্ৰী হ'ব বুলি মন্তব্য কৰে। আনহাতে বিজেপিৰ কোনো নিজা উন্নয়ন আঁচনি নোহোৱাৰ স্বত্তেও কংগ্ৰেছৰ মাজনী, বাইদেউ, নবৌ আঁচনি কৰ্তনহে কৰিলে বুলি বিজেপিক কটাক্ষ কৰে গৌৰৱ গগৈয়ে ৷

উল্লেখ্য যে শুকুৰবাৰে গোলাঘাটৰ আঠখেলীয়া, মাটিখোলা, জামুগুৰি, দহমাইল খুটি, মেৰাপানী আৰু গোলাঘাট নগৰত নিৰ্বাচনী প্ৰচাৰ চলালে গৌৰৱ গগৈয়ে ।