গোলাঘাট,৯ এপ্ৰিলঃ বসন্তৰ আগমণৰ লগে লগে অসমৰ ইমূৰৰ পৰা সিমূৰলৈ হেঁপাহৰ ৰঙালীক আদৰিবলৈ ব্যাপক প্ৰস্তুতি । গোলাঘাটৰ নুমলীগড়তো ৰঙালীক আদৰিবলৈ ৰাইজৰ মাজত ভীষণ ব্যস্ততা । সাজু হৈছে কণমানিৰ পৰা বৃদ্ধলৈকে সকলোৱে । গোলাঘাট নুমলীগড় শোধনাগাৰৰ নগৰাঞ্চলত যান্ত্ৰিকতাৰ মাজতো এই সকল নগৰাঞ্চলৰ আবাসীয়ে অসমীয়াৰ বাপতি সাহোন ৰঙালী বিহুটিক আদৰিবলৈ চলাইছে ব্যাপক প্ৰস্তুতি ।
গোলাঘাট নুমলীগড়ত ৰঙালী বিহুক আদৰিবলৈ ব্যাপক প্ৰস্তুতি
জনপ্ৰিয় বিহু নৃত্যশিল্পী সান্তুমণি শৰ্মা আৰু অসমৰ জনপ্ৰিয় বৰ বিহুৱতী মাধুৰী গগৈৰ নেতৃত্বত চলি আছে বিহু নৃত্য কৰ্মশালা । দৈনিক ব্যস্ততা পাহৰি কণমানিজনীৰ পৰা আৰম্ভ কৰি ডেকা-গাভৰু সকলো ওলাই আহিছে বিহুৰ আখৰা কৰিবলৈ ।
