গোলাঘাট,16 এপ্ৰিলঃ কৰ’ণাৰ ‘ৰেড হটস্পট’ হিচাপে চিহ্নিত হ'ল গোলাঘাট ৷ গোলাঘাটত চিকিৎসাধীন ৯জন কৰ’ণাত আক্ৰান্ত ৰোগীৰ পুনৰ স্বাস্থ্য পৰীক্ষাত ৬ জনক নিগেটিভ পোৱাৰ বিপৰীতে ৩ জনৰ পজিটিভ পোৱা গৈছে ৷ বিগত ১৪ এপ্ৰিলত আটাইকেইজন ৰোগীৰে স্বাস্থ্য পৰীক্ষাত কৰ’ণাত আক্ৰান্ত হোৱা বুলি স্পষ্ট হৈ পৰিছিল ৷ ইয়াৰ পিছতেই স্বাস্থ্য বিভাগৰ নিৰ্দেশমৰ্মে পুনৰ আটাইকেইজনৰে নমুনা ICMR লাহোৱাললৈ পঠোৱা হৈছে ৷ বৃহস্পতিবাৰে নিশাৰ ভিতৰত এই ৰিপৰ্ট লাভ কৰিব গোলাঘাট কুশল কোঁৱৰ অসামৰিক চিকিৎসালয়ে ।
কৰ’ণাৰ ৰেড হটস্পট গোলাঘাট
উল্লেখ্য যে, আটাইকেইজনৰে ফলাফল নিগেটিভ আহিলে শুকুৰবাৰলৈ ৰাজ্য স্বাস্থ্য বিভাগৰ পৰ্যালোচনাৰ পিছত ঘৰলৈ যাবলৈ দিয়াৰ সম্ভাৱনা আছে ৷ আনহাতে, গোলাঘাটত হোম কোৱাৰেন্টাইনত আছে ৫৩ গৰাকী ব্যক্তি ।
লগতে পঢ়ক-দৰিদ্ৰ পৰিয়াললৈ সাহাৰ্য প্ৰদান অভিনেত্ৰী প্ৰস্তুতি পৰাশৰৰ
