কৃত্ৰিম বানত বুৰ গ'ল গোলাঘাটৰ গড়কাপ্তানী পথ

কৃত্ৰিম বানে গোলাঘাটৰ ফুলবাৰী আৰু মুৰফুলনীৰ সংযোগী পথটো চিঙি নিয়াৰ ফলত এতিয়া গৃহবন্দী হৈ পৰিছে অঞ্চলটোৰ প্ৰায় 20 হাজাৰৰো অধিক লোক ।

গোলাঘাট,5 মে' : গোলাঘাটৰ মুৰফুলনীত কৃত্ৰিম বানৰ তাণ্ডৱ । ফেনীৰ প্ৰকোপৰ ফলত নেৰানেপেৰা বৰষুণৰ পানীয়ে চিঙিলে গড়কাপ্তানী পথ । প্ৰায় 20 খন গাঁৱৰ 50 হাজাৰৰো অধিক লোকৰ যোগাযোগৰ একমাত্ৰ পথটো চিঙি নিয়াত এতিয়া আতংকিত হৈ পৰিছে স্থানীয় লোক । কেৱল ইমানেই নহয়, অঞ্চলটোত সম্পূৰ্ণ ৰূপে বিছিন্ন হৈ পৰিছে যোগাযোগ ব্যৱস্থা । ফুলবাৰী আৰু মুৰফুলনীৰ সংযোগী পথটো চিঙি নিয়াৰ ফলত এতিয়া গৃহবন্দী হৈ পৰিছে অঞ্চলটোৰ প্ৰায় 20 হাজাৰৰো অধিক লোক ।