দেৰগাঁও,3 জানুৱাৰীঃ বৃহস্পতিবাৰে নিশা দেৰগাঁৱৰ হাবিয়াল গাঁৱত সংঘটিত হৈছে ভয়ংকৰ ঘটনা ৷ ঢেকিয়াল গাঁৱৰ গাঁও পঞ্চায়তৰ সভানেত্ৰীৰ ঘৰলৈ ধাৰাষাৰ গুলীবৰ্ষণ দুবৃত্তৰ ৷ সভানেত্ৰী গৰাকীৰ নাম ৰূপা ৰাজখোৱা ৷ ক'লা ৰঙৰ গাড়ীত অহা দুৰ্বৃত্তৰ এটা দলে গাড়ীৰ পৰা নামি আৰম্ভ কৰে গুলীচালনা ৷ বৃহস্পতিবাৰে নিশা প্ৰায় ন বজাত সংঘটিত হয় এই ঘটনা ৷ ঘটনা সংঘটিত হোৱা সময়ত ৰূপা ৰাজখোৱাৰ ঘৰলৈ আহিছিল দৰগাঁৱৰ এলেংমূৰীয়াৰ বিনয় বৰা নামৰ এজন ব্যক্তি ৷ বিনয় বৰাই লৈ অহা মাৰুতি ভানখনলৈও গুলিবৰ্ষণ কৰে দুবৃত্তৰ দলটোৱে ৷
ঢেকিয়াল গাঁৱৰ গাঁও পঞ্চায়তৰ সভানেত্ৰীৰ ঘৰলৈ দুবৃত্তৰ গুলীবৰ্ষণ
আনহাতে, নিশাই ঘটনাস্থলীত উপস্থিত হয় গোলাঘাট আৰক্ষীৰ অধীক্ষক ৷ পুৱতি নিশালৈকে আৰক্ষীয়ে অব্যাহত ৰাখে অনুসন্ধান ৷ স্থানীয় ৰাইজৰ মতে নাগৰিকত্ব সংশোধনী আইন বিৰোধী প্ৰতিবাদী সভাত ৰূপা ৰাজখোৱাৰ লগতে বিনয় বৰাই নেতৃত্ব লোৱাৰ বাবেই চলোৱা হয় এই আক্ৰমণ ৷
