বোকাখাত, 5 ছেপ্টম্বৰ: পবিত্ৰ শিক্ষক দিৱসৰ দিনা(Teachers Day 2022) বোকাখাতৰ এখন বিদ্যালয়ত শিক্ষক বিচাৰি অভিনৱ প্ৰতিবাদ ৷ বোকাখাতৰ ৰজাবাৰী গাৰোপাৰা নেপালীখুটি প্ৰাথমিক বিদ্যালয়ত এই প্ৰতিবাদী কাৰ্যসূচী ৷ বিদ্যালয় পৰিচালনা সমিতি, অভিভাৱক, মাতৃগোটে সাব্যস্ত কৰিলে প্ৰতিবাদ (Protest demanding teacher at Bokakhat)৷
বিদ্যালয়ৰ সহ শিক্ষক নিতুল গগৈক মৌখিক নিৰ্দেশত 2013 চনতেই অন্য এখন বিদ্যালয়লৈ বদলি কৰি নিয়ে খণ্ড প্ৰাথমিক শিক্ষা বিষয়াই ৷ যোৱা 10 বছৰে অন্য বিদ্যালয়ত পাঠদান কৰি দৰমহা লাভ কৰি আছে শিক্ষকগৰাকীয়ে ৷ সেয়েহে পবিত্ৰ শিক্ষক দিৱসৰ দিনটোতে প্ৰতিবাদত নামিল বোকাখাত গাৰোপাৰা নেপালীখুটি প্ৰাথমিক বিদ্যালয়ৰ বিদ্যালয় পৰিচালনা সমিতি, অভিভাৱক আৰু মাতৃগোট ৷ 2013 চনৰ 29 জুনত সহ-শিক্ষক হিচাবে যোগদান কৰিছিল নিতুল গগৈ নামৰ শিক্ষকগৰাকীয়ে ৷
মাত্ৰ চাৰিদিন পাঠদান কৰাৰ পাছত 4 আগষ্টত খণ্ড প্ৰাথমিক বিষয়াৰ মৌখিক নিৰ্দেশত কেইদিনমানৰ বাবে পাঠদান কৰিবলৈ বদলি কৰি নিয়ে ৷ কিন্তু যোৱা 10 বছৰে পূৰ্বৰ বিদ্যালয়লৈ ঘূৰি নাহিল শিক্ষকগৰাকী ৷ তিনিজনীয়া শিক্ষকৰ এজন গুচি যোৱাৰ পাছত 2021 চনৰ 31 ডিচেম্বৰত প্ৰধান শিক্ষয়িত্ৰীগৰাকীয়ে অৱসৰ লোৱাৰ পাছত 84 জন ছাত্ৰ-ছাত্ৰীক কেৱল ডেইজী ৰাজখোৱা দত্তই পাঠদান কৰি আহিছে (Lack of teacher at Bokakhat)৷
ইফালে মৌখিক নিৰ্দেশযোগে বদলি কৰি নিয়া নিতুল গগৈয়ে যোৱা 10 বছৰে অন্য বিদ্যালয়ত পাঠদান কৰি আছে যদিও দৰমহা লৈ আছে গাৰোপাৰা নেপালীখুটি প্ৰাথমিক বিদ্যালয়ৰ পৰা (Teachers transference at Bokakhat) ৷ বিদ্যালয়ৰ প্ৰধান শিক্ষক, বিদ্যালয় পৰিচালনা সমিতিয়ে শিক্ষকজনক ওভতাই বিচাৰি খণ্ড প্ৰাথমিক শিক্ষা বিষয়াক আবেদন জনাই আহিছে যদিও সুফল পোৱা নাই ৷ যাৰ বাবে বিদ্যালয়খনত এজনীয়া শিক্ষকে পাঠদান কৰি থাকিবলগীয়া হোৱাত অসুবিধাৰ সৃষ্টি হৈছে (Shortage of teachers at Bokakhat) ৷
যাৰ বাবে শিক্ষক দিৱসৰ দিনাই প্ৰতিবাদত নামিল বিদ্যালয় পৰিচালনা সমিতি, অভিভাৱক আৰু মাতৃগোটৰ সদস্যাসকল ৷ আনহাতে ছাত্ৰ-ছাত্ৰীসকলেও পাঠগ্ৰহণত অসুবিধা লাভ কৰি মুখ্যমন্ত্ৰী হিমন্ত শৰ্মাৰ ওচৰত শিক্ষক বিচাৰি কাতৰ আহ্বান জনাইছে (Student demands teacher at Bokakhat)৷
