বোকাখাত, 15 নৱেম্বৰ : পোহৰ নামৰ NGO এটাৰ সহযোগত বোকাখাত মহকুমা প্ৰশাসনে বোকাখাতৰ বিভিন্ন স্থানত বাটৰ নাট প্ৰদৰ্শনৰ কাৰ্যসূচী হাতত লৈছে ৷ জনসাধাৰণক ভোটাৰ তালিকাৰ বিষয়ে অৱগত কৰোৱাৰ উদ্দেশ্যে মহকুমা প্ৰশাসনে এই পদক্ষেপ হাতত লৈছে ৷
ভাৰত চৰকাৰে নিৰ্দেশ জাৰি কৰিছে যে চলিত মাহৰ 30 তাৰিখৰ ভিতৰত 18 বছৰৰ উৰ্দ্ধৰ সকলো লোকৰে ভোটাৰ কাৰ্ড প্ৰস্তুত কৰাৰ লগতে ভোটাৰ কাৰ্ডত নাম, ঠিকনা সংশোধন কৰিব লাগিব ৷
সেই অনুসৰিয়েই প্ৰতিখন জিলা প্ৰশাসনে ভোটাৰ তালিকা সম্পৰ্কে ৰাইজক অৱগত কৰোৱাৰ উদ্দেশ্যে বিভিন্ন কাৰ্যসূচী হাতত লৈছে ৷ 14 নৱেম্বৰত বোকাখাতত হৈ যোৱা বাটৰ নাটৰ লগত সংগতি ৰাখি কুইজ, চিত্ৰাংকন প্ৰতিযোগিতাও অনুষ্ঠিত কৰা হয় ৷
লগতে চাওক : মণিপুৰ আৰক্ষী- Assam Rifles ৰ যুটীয়া অভিযানত উদ্ধাৰ বিস্ফোৰক সামগ্ৰী
