গোলাঘাট,2 ডিচেম্বৰঃ প্ৰথমে খুমটাই তাৰপিছত মৰিগাঁও । অগপৰ গঢ়াখহনীয়াই তোলপাৰ লগাইছে অসমৰ ৰাজনৈতিক মহলত । বৰ্তমান এই বাতৰিৰ পিছতেই গোলাঘাটত সক্ৰিয় হৈ পৰিল অগপৰ সভাপতি তথা মন্ত্ৰী অতুল বৰা । খুমটাই বৰুৱা বামুন গাঁৱত অগপৰ শক্তি প্ৰদৰ্শন কৰাৰ বাবে ওলোৱাৰ সময়ত গোলাঘাট জিলা অগপ কাৰ্যালয়ত এখনি সভাত অংশগ্ৰহণ কৰে মন্ত্ৰী অতুল বৰাই । সভাত অতুল বৰাই ভাষণ প্ৰসংগত কয়, বিজেপি মিত্ৰজোঁট চৰকাৰৰ লগত আছো বুলিয়েই বিজেপিৰ তলত নহয় । সম মৰ্যদা আছে অগপ দলৰো ।
আনহাতে খুমটাই আৰু মৰিগাঁৱত অগপৰ কোনো ধৰণৰ গঢ়াখহনীয়া হোৱা নাই । বৰঞ্চ বহু লোকে অগপত যোগদান কৰা বুলিহে জানিব দিয়ে অতুল বৰাই । কংগ্ৰেছ আৰু এআইইউডিএফ দল যদি ক্ষমতালৈ আহে তেন্তে দ্বিতীয় কলিযুগৰ সূচনা কৰিব । অসমীয়া জাতি মহা সংকটত পৰিব । বিজেপিৰে মিত্ৰ দলত থাকি অগপ দলৰ কোনো ধৰণৰ ক্ষতি সাধন হোৱা নাই বুলি উল্লেখ কৰাৰ লগতে মন্ত্ৰী অতুল বৰাই তীব্ৰ সমালোচনা কৰে কংগ্ৰেছ দলক ।
লগতে পঢ়কঃ অহা ৪ ডিচেম্বৰত তামিলনাডু পাবহি 'বুৰেৱী': বতৰ বিজ্ঞান বিভাগৰ সতৰ্কবাণী
