গোলাঘাটত আছুৰ ৰণশিঙাঃ ডবা-শঙ্খ, ঢোল-তাল বজাই উত্তাল প্ৰতিবাদ

গোলাঘাটত মুখ্যমন্ত্ৰী সৰ্বানন্দ সোণোৱালৰ লগতে মন্ত্ৰী হিমন্ত বিশ্ব শৰ্মাক তুলাধুনা প্ৰতিবাদকাৰীৰ। জাতিধ্বংসী নাগৰিকত্ব সংশোধনী আইনখন বাতিল নকৰিলে আগন্তুক দিনত জংগী আন্দোলন গঢ়ি তোলাৰ হুংকাৰ দিয়ে প্ৰতিবাদকাৰীসকলে ।

গোলাঘাট, ৯ জানুৱাৰীঃ গোলাঘাটত অব্যাহত আছে কাৰ বিৰুদ্ধে উত্তাল প্ৰতিবাদ । আছুৰ লগতে ৩০টা জনগোষ্ঠীয় সংগঠনৰ উত্তাল প্ৰতিবাদে কঁপাই তোলে সমগ্ৰ গোলাঘাটৰ আকাশ-বতাহ । সমগ্ৰ ৰাজ্যৰ লগতে গোলাঘাটতো নাগৰিকত্ব সংশোধনী আইনৰ বিৰুদ্ধে প্ৰতিবাদ অব্যাহত আছে। বৃহস্পতিবাৰে আছুৰ লগতে ৩০ টা জনগোষ্ঠীয় সংগঠনে গোলাঘাটৰ উপায়ুক্ত কাৰ্যালয়ৰ সন্মুখত জাতিধ্বংসী আইনখনৰ বিৰুদ্ধে ৰণশিঙা বজাই প্ৰতিবাদ সাব্যস্ত কৰে। আছুৰ লগতে প্ৰতিবাদকাৰী সকলে ডবা, শঙ্খ, খোল-তাল বজাই মুখ্যমন্ত্ৰী আৰু স্বাস্থ্যমন্ত্ৰী হিমন্ত বিশ্ব শৰ্মাৰ বিৰুদ্ধে বিভিন্ন শ্লোগান দিয়াৰ উপৰিও অতি শীঘ্ৰে জাতিধ্বংসী আইনখন বাতিল কৰিবলৈ দাবী কৰে প্ৰতিবাদকাৰীসকলে । আছুৰ এই ৰণশিঙা প্ৰতিবাদী কাৰ্যসূচীত হাজাৰ-হাজাৰ লোকে অংশ গ্ৰহণ কৰে ।

লগতে পঢ়ক - 89 সংখ্যক শ্ৰীমন্ত শংকৰদেৱ সংঘৰ অধিৱেশনৰ ব্যাপক প্ৰস্তুতি