গোলাঘাট,28 জুন: লক ডাউনৰ মাজতে চোৰৰ অভিযান চলিল গোলাঘাটৰ ভিন্ন প্ৰান্তত ৷ মাছ,মাংসৰ দোকানৰ পৰা ফাৰ্ণিচাৰৰ বিপণীলৈকে একো সাৰি নাযায় চোৰৰ অভিযানৰ পৰা ৷ জিলাখনৰ তপন নগৰ নিবাসী ধনীৰাম কৰ্মকাৰ, পাৰ্থ কলিতা আৰু কছাৰীহাটৰ দুল আলী নামৰ তিনিজন চোৰৰ অভিযানৰ বাবে নিৰ্ধাৰিত বিবাহৰ দিন পিছুৱাব লগীয়া হৈছে এঘৰ লোকে ৷
ঘটনাৰ বিৱৰণী অনুসৰি, বেঙেনাখোৱাৰ এখন ফাৰ্ণিচাৰৰ বিপণীত এগৰাকী গ্ৰাহকে কন্যাৰ বিবাহৰ বাবে অৰ্ডাৰ দি থোৱা আচবাবসমূহ এইকেইটা চোৰে চুৰি কৰাত পিছুৱাবলগীয়া হৈছে বিবাহৰ দিন ৷ পিছে এশ গৰু মাৰিলে বাঘৰো মৰণ ৷ চোৰকেইটাই শনিবাৰে নিশা চহৰখনৰ মাজমজিয়াস্থিত বজাৰত কুকুৰা চুৰি কৰিবলৈ আহি ধৰা পৰে আৰক্ষীৰ হাতত ৷ তাৰপিছতে ওলাই পৰে জোলোঙাৰ মেকুৰী । আৰক্ষীয়ে ইতিমধ্যে চোৰ কেইটাৰ বাসগৃহৰ পৰা বিভিন্ন আচবাবকে ধৰি ফ্ৰীজ, টিভি, কুকুৰা, মাছ, ফেন আদি বহু চুৰি সামগ্ৰী উদ্ধাৰ কৰে ।
