গোলাঘাট, ২১ জানুৱাৰী: বৃহস্পতিবাৰে গোলাঘাটত অসম জাতীয় পৰিষদৰ জিলা সমিতিৰ নেতা-কৰ্মীয়ে অৱস্থান ধৰ্মঘট কাৰ্যসূচী ৰূপায়ণ কৰে । লাইকা দধিয়াবাসীৰ পুনৰ সংস্থাপন, অসমৰ বান-খহনীয়াত ক্ষতিগ্ৰস্ত ৰাইজক পুনৰ সংস্থাপন আৰু হৰি শংকৰ ব্ৰহ্ম কমিটীৰ প্ৰতিবেদন কাৰ্যকৰীকৰণৰ দাবীত এই প্ৰতিবাদী কাৰ্যসূচী গ্ৰহণ কৰে । গোলাঘাটত উপায়ুক্ত কাৰ্যালয়ৰ সন্মুখত ৩ ঘন্টীয়া অৱস্থান ধৰ্মঘট কাৰ্যসূচী ৰূপায়ণ কৰে অসম জাতীয় পৰিষদৰ গোলাঘাট জিলা সমিতিৰ নেতা-কৰ্মীয়ে ।
অসম চৰকাৰ হায় হায়, বিজেপি চৰকাৰ গ'বেক, খিলঞ্জীয়াৰ সংস্থাপনৰ ব্যৱস্থা কৰক আদি বিভিন্ন শ্ল'গানেৰে উত্তাল প্ৰতিবাদ সাব্যস্ত কৰে । উল্লেখ্য যে, টিএমপিকে, এমএমকে আৰু টিএমএমকেৰ উদ্যোগত লাইকা দধিয়াৰ ৰাইজে বিগত বৰ্ষৰ ২১ ডিচেম্বৰৰ পৰা প্ৰতিবাদী কাৰ্যসূচী অব্যাহত ৰাখিছে । তিনিচুকীয়াৰ জিলা উপায়ুক্তৰ কাৰ্যালয়ৰ সমীপৰ জানমুখ লেজাইহুলাত স্থাপন কৰা অস্থায়ী শিবিৰতে থাকি পুনৰ সংস্থাপনৰ দাবী জনাই আহিছে ।
লগতে পঢ়ক:কৰিমগঞ্জৰ চৰকাৰী ভূমিত ভূ-মাফিয়াৰ চকু
