গোলাঘাটত নতুনকৈ দুজনৰ দেহত COVID-19

সোমবাৰে গোলাঘাটত ২ জন যুৱকৰ দেহত ধৰা পৰে COVID-19 ৰ উপস্থিতি । অসম পৰ্যটন নিবাসৰ কোৱাৰেণ্টাইন চেণ্টাৰৰ ৰখা ২৯ গৰাকী বহিঃৰাজ্যৰ যুৱক যুৱতীৰ মাজৰ ২ গৰাকীৰ দেহত ধৰা পৰে COVID-19 ৰ উপস্থিতি ।

গোলাঘাট, ১৮ মে': গোলাঘাটত সোমবাৰে দুজন যুৱকৰ দেহত ধৰা পৰে COVID-19 ৰ উপস্থিতি । চেন্নাইৰ পৰা আহি কাজিৰঙাৰ কহৰা কোৱাৰেণ্টাইন কেন্দ্ৰত আছিল যুৱক দুজন । গোলাঘাটৰ মেৰাপানী চৰাইমাৰি নিবাসী দুই যুৱক । কৰ'ণাত আক্ৰান্ত দুই যুৱক সম্বন্ধত ভাই-ককাই বুলি জানিবলৈ দিয়ে ।

চেন্নাইত দুয়ো ভাই-ককাই এটা ব্য়ক্তিগত কোম্পানীত সুৰক্ষা কৰ্মী হিচাপে নিয়োজিত আছিল । আক্ৰান্ত দুয়োকে গোলাঘাটৰ কুশল কোঁৱৰ অসামৰিক চিকিৎসালয়ৰ COVID-19 চিকিৎসালয়লৈ প্ৰেৰণ কৰা হৈছে ।