গোৱালপাৰা, 14 জুলাই : একবিংশ শতিকাতো অন্ধবিশ্বাসৰ বলি ৰাজ্যৰ একাংশ লোক ৷ এগৰাকী মহিলাক ডাইনী (Witch)সন্দেহত কৰা বৰ্বৰ আক্ৰমণৰ ভিডিঅ’ ভাইৰেল ছ’চিয়েল মিডিয়াত (Social Media) ৷ সম্প্ৰতি এই ঘটনাই তোলপাৰ লগাইছে অসম আৰক্ষী (Assam Police)ত ৷
ভিডিঅ’টো চুবুৰীয়া ৰাজ্য মেঘালয়ৰ বাজেংডোবা অঞ্চলৰ ৷ মহিলাগৰাকী গোৱালপাৰা জিলাৰ অসম-মেঘালয় সীমান্তৱৰ্তী (Assam-Meghalaya Border)অঞ্চল হাতীগাঁৱৰ বোৱাৰী ৷ মহিলাগৰাকীক জালেৰে আৱদ্ধ কৰি ডাইনী (Witch) খেদোৱাৰ নামত পাশৱিক নিৰ্যাতন চলাইছে একাংশ লোকে ৷
এই ঘটনাটো দুদিন পূৰ্বে বাজেংডোবাৰ বৰঝৰাত সংঘটিত হয় ৷ এই সমগ্ৰ কাণ্ডৰ ভিডিঅ’ ছ’চিয়েল মিডিয়া (Social Media)ত ভাইৰেল হোৱাৰ পিছত ঘটনাৰ স্থান গোৱালপাৰা বুলি চৰ্চা চলে ৷ গোৱালপাৰা আৰক্ষীয়ে সমগ্ৰ ঘটনাৰ তদন্ত কৰি সেয়া মেঘালয়ৰ ঘটনা বুলি নিশ্চিত হয় ৷
আৰক্ষীয়ে ভুক্তভোগী মহিলাগৰাকীৰ লগতে স্বামীক উদ্ধাৰ কৰি আগিয়া থানালৈ নিয়ে ৷ ঘটনা সন্দৰ্ভত গোৱালপাৰাৰ আৰক্ষী অধীক্ষকে সদৰী কৰা মতে, মহিলাগৰাকীৰ স্বামী মেঘালয়ৰ বাসিন্দা ৷ স্বয়ং স্বামীয়ে মহিলাগৰাকীৰ ওপৰত চলায় এই নিৰ্যাতন ৷ মেঘালয়ৰ প্ৰশাসনক ইতিমধ্যে ঘটনাৰ বিষয়ে অৱগত কৰাৰ লগতে উচিত তদন্তৰ বাবে আহ্বান জনাইছে আৰক্ষী অধীক্ষকগৰাকীয়ে ৷
লগতে পঢ়ক : চাৰি বছৰ ভুৱা চিকিৎসা কৰি আৰক্ষীৰ জালত মুন্নাভাই MBBS
