যোগীঘোপাৰ চলন্তাপাৰাত চাঞ্চল্যকৰ ডকাইতি

যোগীঘোপাৰ চলন্তাপাৰাত শনিবাৰে নিশা সংঘটিত হয় চাঞ্চল্যকৰ ডকাইতি কাণ্ড ৷ 8 জনীয়া ডকাইতৰ দল এটাই পিষ্টল দেখুৱাই গৃহস্থৰ পৰা লুটি নিয়ে এখন গাড়ীসহ নগদ ধন, সোণ ৷ ঘটনা সন্দৰ্ভত যোগীঘোপা আৰক্ষী খবৰ দিয়াত উপস্থিত হৈ তদন্ত আৰম্ভ কৰে ।

যোগীঘোপা, 25 আগষ্টঃ যোগীঘোপাৰ চলন্তাপাৰাত শনিবাৰে নিশা সংঘটিত হয় চাঞ্চল্যকৰ ডকাইতি কাণ্ড ৷ 8 জনীয়া ডকাইতৰ দল এটাই পিষ্টল দেখুৱাই গৃহস্থৰ পৰা লুটি নিয়ে এখন গাড়ীসহ নগদ ধন, সোণ ৷ নিশা দুই মান বজাত ডকাইতৰ দলটোৱে দুৱাৰ ভাঙি আনোৱাৰ আলী নামৰ এজন ঠিকাদাৰৰ ঘৰত প্ৰৱেশ কৰে । আনোৱাৰ আলীসহ পৰিয়ালক পিষ্টল দেখুৱাই ৰছিৰে হাতত বান্ধি থৈ ডকাইতি কাণ্ড সম্পন্ন কৰে ৷ ইতিমধ্যে ঘটনা সন্দৰ্ভত যোগীঘোপা আৰক্ষী খবৰ দিয়াত উপস্থিত হৈ তদন্ত আৰম্ভ কৰে । এই ডকাইতিৰ ঘটনাই সমগ্ৰ অঞ্চলটোত চাঞ্চল্যৰ সৃষ্টি কৰাৰ লগতে আৰক্ষীৰ নিৰাপত্তা ব্যৱস্থা আৰু সক্ৰিয়তাক লৈও প্ৰশ্ন উত্থাপন হৈছে ৷