পাকিস্তানলৈ গৈ নিৰ্বাচন খেলক ৰাহুলে : মমিনুল আৱাল

দ্বিতীয় আৰু তৃতীয় পৰ্যায়ৰ নিৰ্বাচন চমু চপাৰ লগে-লগে কথাৰ কটাকটি ৰাজনৈতিক ৰথী-মহাৰথীৰ৷ শ্ৰেষ্ঠত্ব প্ৰদৰ্শনৰ দৌৰত বাকপটুতাৰ খেলত পৰিণত দেশৰ ৰাজনীতি৷

গোৱালপাৰা, 13 এপ্ৰিল : গুৱাহাটী লোকসভা সমষ্টিৰ প্ৰাৰ্থী কুইন ওজাৰ হৈ নিৰ্বাচনী প্ৰচাৰ চলাবলৈ আহি নগৰবেৰাত মমিনুল আৱালৰ বিতৰ্কিত ভাষণ । ৰাহুল গান্ধীকে ধৰি কংগ্ৰেছৰ নেতা সকলক পাকিস্তানত গৈ নিৰ্বাচন খেলাৰ আহ্বান আৱালৰ ৷

শুকুৰবাৰে সন্ধিয়া নগৰবেৰাত গুৱাহাটী লোকসভাৰ মিত্ৰজোঁটৰ প্ৰাৰ্থী কুইন ওজাৰ নিৰ্বাচনী প্ৰচাৰ চলাবলৈ আহি মমিনুল আৱালে দিলে আন এক বিতৰ্কিত ভাষণ। দেশৰ জনগনে ইতিমধ্যে কংগ্ৰেছক প্ৰত্যাখান কৰিছে। কংগ্ৰেছৰ নেতা সকলৰ নাই ভাৰতবৰ্ষত নিৰ্বাচন খেলাৰ অধিকাৰ- এই মন্তব্য মমিনুল আৱালৰ৷

প্ৰাক্তন মুখ্যমন্ত্ৰী তৰুণ গগৈকো কটাক্ষ কৰে আৱালে৷ তেওঁৰ মতে, গগৈৰ দিনত চলিছিল ৰাজ্যৰ সংখ্যালঘুক ধ্বংস কৰাৰ চক্ৰান্ত৷ কিন্তু নৰেন্দ্ৰ মোডী দেশৰ শাসনৰ গাদীত অধিষ্ঠিত হোৱাৰে পৰাই সুৰক্ষিত হৈছে ৰাজ্যৰ প্ৰত্যেকজন সংখ্যালঘু৷