ডিমা হাছাও,6 ডিচেম্বৰ : ডিমা হাছাও জিলাৰ মাইবাং মহকুমাত শনিবাৰে দুখন গৰু ভৰ্তি ট্ৰাক জব্দ কৰে মাইবাং আৰক্ষীয়ে । কোকৰাঝাৰৰ পৰা শিলচৰলৈ অবৈধভাৱে যোৱাৰ সময়তে মাইবাং আৰক্ষীয়ে জব্দ কৰে ট্ৰাক দুইখন ।
আৰক্ষীয়ে জনোৱা মতে, শনিবাৰে সন্ধিয়া A-AS-01-JC-9666 আৰু A-AS-01-KC নম্বৰৰ দুখন গৰু ভৰ্তি ট্ৰাক কোকৰাঝাৰৰ পৰা ডিমা হাছাও জিলা হৈ শিলচৰলৈ লৈ যোৱাৰ সময়তে আৰক্ষীয়ে 54 নম্বৰ ৰাষ্ট্ৰীয় ঘাইপথত ট্ৰাক দুখন জব্দ কৰাৰ লগতে ট্ৰাকচালকক আটক কৰি মাইবাং থানালৈ লৈ যায় ।
বৰ্তমান আৰক্ষীয়ে আটকাধীন ট্ৰাক চালকক সোধ-পোচ চলোৱা বুলি আৰক্ষীৰ সূত্ৰই সদৰি কৰে ৷ উল্লেখ্য যে, দীৰ্ঘদিনৰ পৰা লামডিং-শিলচৰৰ 54 নং ৰাষ্ট্ৰীয় ঘাইপথেৰে মাফিয়াসকলে বহিঃৰাজ্য আৰু বাংলাদেশলৈ গৰু সৰবৰাহ কৰাৰ অভিযোগ উত্থাপন হৈ আহিছে ৷
লগতে পঢ়ক : অসমত সোমাইছে বহু ৰোহিংগীয়া মুছলমান : শিৱনাথ শৰ্মা
