ডিমা হাছাও, ১৯ জুন: হাফলং নগৰ সমিতিৰ নাম সলনি কৰি অৱশেষত পৌৰ বোৰ্ড কৰা হ'ল । এতিয়াৰ পৰা হাফলং নগৰ সমিতিৰ নতুন নাম কৰণ কৰি হাফলং পৌৰ বোৰ্ড কৰা হৈছে । ২০১৮ চনৰ ১১ অক্টোবৰ ইডিডি (বি)/৩৬১২০১৭/৩এ নম্বৰৰ চৰকাৰী নিৰ্দেশ মৰ্মে আৰু উত্তৰ কাছাৰ পাৰ্বত্য স্বায়ত্ব শাসিত পৰিসদৰ এনসি এইচ এচি/জিএডি/টিসি/২ (পিটি-১১) ২০১৮-১৯ নম্বৰ ৩ জুন ২০১৯-ৰ অনুমোদন ক্ৰমে হাফলং নগৰ সমিতিৰ টি টি দাওলাগাপোই এক বিগপ্তি জাৰি কৰে । ইতিমধ্যে হাফলং পৌৰ বোৰ্ডৰ অধীনত ৱাৰ্ড গঠনৰ প্ৰক্ৰিয়া সম্পূৰ্ণ কৰা হৈছে । হাফলং চহৰক ১৩ টো ৱাৰ্ডত ভাগ কৰা হৈছে । এতিয়াৰ পৰা ৱাৰ্ড কমিচনাৰৰ নিৰ্বাচন অনুষ্ঠিত কৰাৰ পিছত পৌৰবোৰ্ড গঠন কৰা হ'ব ।
হাফলং নগৰ সমিতিৰ নাম সলনি কৰি কৰা হল পৌৰ বোৰ্ড
