ডিমা হাছাও, 16 জানুৱাৰী : সমগ্ৰ দেশ তথা ৰাজ্যতে বৃদ্ধি পাবলৈ ধৰিছে ক'ভিডৰ সংক্ৰমণ (Covid cases increasing in Assam)৷ সমান্তৰালকৈ ডিমা হাছাও জিলাতো ক'ভিডৰ সংক্ৰমণ বৃদ্ধি পোৱাত শংকিত হৈ পৰিছে বিভিন্ন সচেতন মহল ৷ ডিমা হাছাও জিলাৰ সদৰ হাফলঙত কিছু দিনৰ পৰা অসম ৰাইফলছৰ নিযুক্তি প্ৰক্ৰিয়া আৰম্ভ হৈছে(Assam Rifles' recruitments in Dima Hasao) । ক’ভিড পৰিস্থিতিৰ ওপৰত নিৰ্ভৰ কৰি অসম ৰাইফলছৰ নিযুক্তি প্ৰক্ৰিয়া বন্ধ কৰাৰ দাবী জনাইছে জিলাখনৰ বিভিন্ন ছাত্ৰ সংগঠনে ।
শনিবাৰে ডিমাছা ছাত্ৰ সন্থা, সদৌ ডিমাছা ছাত্ৰ সন্থা, মাৰ ছাত্ৰ সন্থা আৰু ৰাংখল ছাত্ৰ সন্থাই অনুষ্ঠিত কৰা এক যৌথ সংবাদমেলযোগে হাফলঙত অসম ৰাইফলছৰ নিযুক্তি প্ৰক্ৰিয়া বন্ধ কৰাৰ দাবী জনায় । সংবাদমেল সম্বোধন কৰি ডিমাছা ছাত্ৰ সন্থাৰ সাধাৰণ সম্পাদক প্ৰমিত চেংয়ুঙে কয় যে ,ভাৰতৰ লগতে অসমতো ক'ভিডৰ তৃতীয় ঢৌ আৰম্ভ হৈছে । কিন্তু হাফলঙত অসম ৰাইফলছৰ নিযুক্তিৰ বাবে বিভিন্ন বহিঃৰাজ্যৰ পৰা ইয়াত বহু লোক আহিবলৈ ধৰিছে আৰু এই লোকসকল এতিয়া ক'ভিড-19ত আক্ৰান্ত হোৱাত ডিমা হাছাও জিলাত ক'ভিডৰ সংক্ৰমণ যথেষ্ট বৃদ্ধি হৈছে ।
বহিঃৰাজ্যৰ পৰা অহা এই লোক সকল ক'ভিড কেয়াৰ চেণ্টাৰ আৰু ক'ভিড পৰীক্ষা কেন্দ্ৰৰ পৰা পলায়ন কৰা পৰিলক্ষিত হৈছে যাৰ বাবে এতিয়া ডিমা হাছাও জিলাত ক'ভিড সংক্ৰমণ বৃদ্ধি পাইছে৷ যাৰ বাবে অসম ৰাইফলছৰ এই নিযুক্তি প্ৰক্ৰিয়া বন্ধ কৰাৰ বাবে জিলা প্ৰশাসনে ব্যৱস্থা গ্ৰহণ কৰিব লাগে ৷
উল্লেখযোগ্য যে, ক'ভিডৰ তৃতীয় ঢৌত ডিমা হাছাও জিলাত এই পৰ্যন্ত মুঠ 279 গৰাকী লোক ক'ভিড-19ত আক্ৰান্ত হৈছে । স্বাস্থ্য বিভাগৰ সূত্ৰই জানিবলৈ দিয়া মতে, বিগত 6 দিনত ডিমা হাছাও জিলাত 210 গৰাকী লোক ক'ভিড-19ত আক্ৰান্ত হৈছে (Dima Hasao people suffering from covid-19) । শুকুৰবাৰৰ দিনটোত ডিমা হাছাও জিলাত আক্ৰান্তৰ সংখ্যা 67 গৰাকী আৰু মহাৰাষ্ট্ৰ পৰা অসম ৰাইফলছৰ নিযুক্তিৰ বাবে অহা 45 গৰাকী যুৱক ক'ভিডত আক্ৰান্ত হৈছে ৷
শনিবাৰে ডিমা হাছাও জিলাত নতুনকৈ বহু লোক আক্ৰান্ত(Covid infacted people of Dima Hasao) হোৱাৰ তথ্য পোহৰলৈ আহে ৷ কিন্তু কিমান সংখ্যক লোক ক’ভিডত আক্ৰান্ত হৈছে শনিবাৰে সেয়া জানিব পৰা হোৱা নাই । বৰ্তমানে হাফলং অসামৰিক চিকিৎসালয়ৰ 105 গৰাকী ৰোগীৰ চিকিৎসা চলি থকাৰ লগতে 87 গৰাকী লোক সম্প্ৰতি হোম আইচলেচনত ৰখা হৈছে বুলি স্বাস্থ্য বিভাগে জানিবলৈ দিয়ে ।
লগতে পঢ়ক : Assam Rifles ৰ অভিযানত তিনিজন NSCN কেডাৰ নিহত
