ডিমা হাছাও, 20 নৱেম্বৰ: প্ৰতি বছৰে হাফলং হ্ৰদৰ ওচৰতে ভক্তসকলৰ সমাগম ঘটে ষট পূজাৰ বাবে । কিন্তু কৰ'ণা ভাইৰাছৰ বাবে এই বছৰ হাফলঙত উলহ মালহকৈ পালন কৰা নহয় ষট পূজা । শুকুৰবাৰে নিশা জিলাখনত অনুষ্ঠিত হ’ব ষট পূজা ৷ যাৰ বাবে হাফলং হ্ৰদৰ ওচৰতে চলিছে ষট পূজাৰ আয়োজন । ষট পূজাৰ বাবে এইবাৰে চৰকাৰে নিৰ্ধাৰণ কৰি দিছে নিৰ্দেশনা । 10 বছৰ তলৰ শিশু আৰু 65 বছৰ উৰ্ধৰ লোকসকলক ঘৰতেই থকাৰ নিৰ্দেশ দিছে স্বাস্থ্য বিভাগে ।
হাফলঙত কভিড প্ৰট'কলৰ মাজত ষট পূজাৰ আয়োজন
হাফলং ষট পূজা কমিটিৰ সদস্য সন্তোষ চৌধুৰীয়ে সম্পূৰ্ণ কভিড প্ৰট'কল মানি ষট পূজাৰ আয়োজন কৰাৰ কথা জানিবলৈ দিয়ে ৷ তেওঁ লগতে অন্য বছৰৰ দৰে এই বছৰ উলহ মালহেৰে ষট পূজাৰ আয়োজন কৰা নহয় বুলি উল্লেখ কৰে । তদুপৰি প্ৰসাদৰ কোনো ব্যৱস্থা কৰা নাই বুলি জানিবলৈ দিয়ে সন্তোষ চৌধুৰীয়ে ।
লগতে পঢ়ক: গ্ৰেপ্তাৰ এছ আই কেলেংকাৰী মূল অভিযুক্ত কুমুদ কলিতা
