মৰাণ, 6 মে’: ডিব্ৰুগড় জিলাৰ খোৱাং হালধিবাৰী বৃহত্তৰ অঞ্চলটোৰ ৰাইজে কৃষি আৰু পশুপালন কৰি জীৱিকা নিৰ্বাহ কৰি আহিছে । কিন্তু পশু চিকিৎসাৰ বাবে চিকিৎসকক বিচাৰি হাহাকাৰ কৰিবলগীয়া হৈছে কৃষক ৰাইজে । কাৰণ হালধিবাৰীৰ 2 নং আহোম গাঁৱত থকা পশু চিকিৎসালয়খনত আজি বহু বছৰ ধৰি পশু চিকিৎসক তথা কৰ্মচাৰী নাই ।
খোৱাঙত পশু চিকিৎসকৰ অভাৱ
ইয়াৰ ফলস্বৰূপে পশু চিকিৎসালয়খন হাবি-জংঘলেৰে ভৰি পৰিছে । সোণোৱাল চৰকাৰৰ যোৱাটো কাৰ্যকালত খোৱাং পঞ্চায়তৰ পুঁজিৰে চিকিৎসালয়খন মেৰামতি কৰিছিল যদিও কোনো চিকিৎসক, কৰ্মচাৰী নিয়োগ কৰা নহ’ল পশু চিকিৎসালয়খনত ।
আনকি পশু চিকিৎসাৰ সকলো সামগ্ৰী উপলব্ধ থকাৰ পাচতো এজন চিকিৎসক নিয়োগক লৈ হাবাথুৰি খাইছে খোৱাং হালধিবাৰী ৰাইজ ৷
লগতে পঢ়ক : হাস্পতালত ঠাই বিচাৰি হাবাথুৰি খাইছে কৰ’ণাক্ৰান্ত ৰোগীয়ে
