মৰাণ, 31 মে': ক'ভিড পৰিস্থিতিৰ মাজতে চৰাইদেউ জিলাৰ নতুন উপায়ুক্ত হিচাপে দায়িত্ব ল’লে বিনীতা পেগুৱে । বিষয়া গৰাকীয়ে দায়িত্ব লোৱাৰ পাছতে উপায়ুক্ত কাৰ্যালয়ত আজি চৰাইদেউ জিলাৰ নতুন উপায়ুক্ত বিনীতা পেগুক সম্বৰ্ধনা জনায় টাই আহোম যুৱ পৰিষদে ৷
বিষয়া গৰাকীক সম্বৰ্ধনা জনোৱাৰ সময়ত টাই আহোম যুৱ পৰিষদ অসমৰ কেন্দ্ৰীয় সমিতিৰ সভাপতি বিজয় ৰাজকোঁৱৰ, চৰাইদেউ জিলা সমিতিৰ যুটীয়া সম্পাদক নিলোৎপল গগৈৰ লগতে জিলা সমিতিৰ বিষয়ববীয়া সকল উপস্থিত থাকে ৷ ইফালে অনাগত দিনবোৰত চৰাইদেউ জিলাখনৰ সামগ্ৰীক উন্নয়নৰ হকে কাম কৰি যোৱাৰ বাবে জিলা প্ৰশাসনক সংগঠনটোৱে সহযোগিতা কৰাৰ প্ৰতিশ্ৰুতি দিয়ে ।
লগতে পঢ়ক: আজিও কাৰ্যক্ষম নহ'ল বৰবালি সমীপৰ দৈয়াং নৈ জলসিঞ্চন আঁচনি
