টিংখাং, 30 অক্টোবৰ: টিংখাঙত আৰক্ষীৰ জালত পৰিছে বৃহৎ পৰিমাণৰ ড্ৰাগছ সহ এটা ড্ৰাগছ সৰবৰাহকাৰী। আৰক্ষীয়ে ড্ৰাগছ সৰবৰাহকাৰীটোৰ পৰা জব্দ কৰিছে এখন বিলাসী বাহনো । অৰুণাচল প্ৰদেশৰ কানুৱাৰীৰ পৰা চৰাইদেউ জিলাৰ সাপেখাটী হৈ ৫২ নং বি ৰাষ্ট্ৰীয় ঘাইপথেৰে টিংখাঙত প্ৰৱেশ কৰি চিলাপথাৰৰ অভিমুখে আহি থকা অৱস্থাত এ আৰ 22- 0075 নম্বৰৰ ড্ৰাষ্টাৰ বাহনখন টিংখাঙৰ বগাদাত চাৰিআলি সমীপত আৰক্ষীৰ নিয়মীয়া তালাচীত ধৰা পৰে ।
আৰক্ষীৰ তালাচীত বাহন খনত উদ্ধাৰ হয় বৃহৎ পৰিমাণৰ ড্ৰাগছ লগতে আৰক্ষীয়ে আটক কৰিছে বাহনখনৰ চালক ধ্ৰুৱ গুৰুঙক । আনহাতে মাইকেল বসুমতাৰী নামৰ আন এজন লোকে আন্ধাৰৰ সুযোগ লৈ ঘটনাস্থলীৰ পৰা পলাই যায়। আটকাধীন লোক কেইজনৰ ঘৰ চিলাপথাৰত বুলি জানিব পৰা গৈছে।
লগতে পঢ়ক: বাক্সাত ফ্ৰান্সৰ ৰাষ্ট্ৰপতি ইমানুৱেল মেক্ৰনৰ বিৰুদ্ধে প্ৰতিবাদ
