খোৱাং, 10 ছেপ্টেম্বৰঃ মঙলবাৰে পুৱতি নিশা খোৱাঙত AS-07-BC-0434 নম্বৰৰ এখন চুৰি ডাম্পাৰ উদ্ধাৰ হয়৷ জানিব পৰা মতে লখিমপুৰ জিলাৰ হাৰমতিৰ প্ৰবীন বিশ্বাস নামৰ এজন লোকৰ ডাম্পাৰ খন সোমবাৰে পুৱতি নিশা চোৰে চুৰি কৰি নিছিল৷
ডাম্পাৰ খনৰ গৰাকীয়ে লগে লগে স্থানীয় আৰক্ষী থানাত খবৰ দিয়াত আৰক্ষীয়ে সকলো আৰক্ষী থানাত খবৰ দিয়ে৷ ইয়াৰ পাচতে খোৱাং আৰক্ষীয়ে খোৱাঙৰ 37নং ৰাষ্ট্ৰীয় ঘাইপথৰ কাষৰ এটা তেল ডিপুত ডাম্পাৰখন ৰখাই থোৱা অৱস্থাত উদ্ধাৰ কৰে৷ ইতিমধ্যে ডাম্পাৰখনৰ গৰাকীৰ লগতে লখিমপুৰৰ এটা আৰক্ষী দল খোৱাং আৰক্ষী থানাত উপস্থিত হৈছে । সম্প্ৰতি আৰক্ষীয়ে ডাম্পাৰ খন চুৰিৰ ঘটনাৰ সৈতে জড়িত লোকক বিচাৰি অনুসন্ধান অব্যাহত ৰাখিছে৷
