টিংখাঙ,14 ছেপ্টেম্বৰ : টিংখাঙত আদিবাসী সকলৰ জংগী আন্দোলনৰ হুংকাৰ ৷ সোমবাৰে টিংখাঙৰ ৰাজগড়ত আদিবাসী ছাত্ৰ সন্থা ৰাজগড় আঞ্চলিক সমিতিয়ে বিভিন্ন দাবীৰে সাব্যস্ত কৰে প্ৰতিবাদী কাৰ্যসূচী ৷
সমস্যা সমাধান নহলে জংগী আন্দোলনৰ হুংকাৰ আদিবাসী সকলৰ
উল্লেখ্য যে,আদিবাসী সকলক জনজাতি কৰণ কৰা,চাহ শ্ৰমিক সকলৰ দৈনিক মজুৰি ৩৫০ টকালৈ বৃদ্ধি কৰা,ভূমি পট্টা প্ৰদান কৰা,শিক্ষা স্বাস্থ্য আৰু মূল্য বৃদ্ধি ৰোধ কৰাৰ দাবীত ৰূপায়ণ কৰে এই প্ৰতিবাদী কাৰ্যসূচী ৷ ইপিনে প্ৰতিবাদকাৰী সকলে বিজেপি নেতৃত্বাধীন চৰকাৰখনে পূৰ্বৰ চৰকাৰ সমূহৰ দৰেই কেৱল মাত্ৰ প্ৰতিশ্ৰুতি দি দায়িত্ব সামৰাৰ অভিযোগ উত্থাপিত কৰিছে ৷ ইয়াৰ উপৰি শীঘ্ৰেই আদিবাসী সকলৰ এই সমস্যা সমূহৰ সমাধান নকৰিলে অনাগত দিনত জংগী আন্দোলনৰ হুংকাৰ দিয়ে সংগঠনটোৱে ৷
লগতে পঢ়ক : কিৰণ ফাউণ্ডেছনে অতিক্ৰম কৰিলে 5 টা বছৰ
