টিংখাং,১৩ ফেব্ৰুৱাৰী: ডিব্ৰুগড় জিলাৰ ১১৯ নং টিংখাং বিধানসভা সমষ্টিৰ কুঁৱৰী গাওঁ পঞ্চায়তৰ অন্তৰ্গত "পদুমণি প্ৰাথমিক বিদ্যালয়"ৰ এটি নৱ নিৰ্মিত ভৱন উদ্বোধন কৰা হয় । বিধায়ক পুঁজি পৰা আৱন্টিত ৫ লাখ টকাৰে নিৰ্মিত এই ভৱনটো উদ্বোধন কৰে পঞ্চায়তৰ সভানেত্ৰী মণিষা গগৈয়ে । অনুষ্ঠানৰ লগত সংগতি ৰাখি আয়োজন কৰা বন্তি প্ৰজ্বলন কাৰ্যসূচী ৰূপায়ণ কৰে বিদ্যালয়ৰ পৰিচালনা সমিতি প্ৰাক্তন সভাপতি জ্যেষ্ঠ নাগৰিক ভক্তি গগৈয়ে । বিদ্যালয়ৰ অধ্য়ক্ষ বুলুমণি গগৈয়ে আঁত ধৰা অনুষ্ঠানত বিধায়কৰ প্ৰতিনিধি জোনমণি বৰুৱা, কাউন্সিলাৰ স্নেহলতা গগৈ, বিদ্যালয় পৰিচালনা সমিতিৰ সভাপতি দীনেশ বৰায়ে সহযোগ কৰে ।
অনুষ্ঠানত উদ্বোধন তথা পঞ্চায়তৰ সভানেত্ৰী মণিষা গগৈয়ে ৰাজ্য চৰকাৰে গ্ৰহণ কৰা জনকল্যাণ আঁচনি সমূহৰ ব্যাখ্যা ডাঙি ধৰি টিংখাঙত বিধায়ক বিমল বড়াই ২০১৯-২০ শিক্ষাবৰ্ষৰ পুঁজিৰ জৰিয়তে টিংখাঙৰ শিক্ষাখণ্ডলৈ নতুন দিগন্ত সূচনা কৰিছে বুলি উল্লেখ কৰে ।
লগতে পঢ়ক: ৰাইজক সকাহ দিয়াৰ উদ্দেশ্যে চৰকাৰে হ্ৰাস কৰিলে পেট্ৰ’ল-ডিজেলৰ মূল্য
