দেওৰেকৰ দাৰ আঘাতত প্ৰাণ গ’ল বৌয়েকৰ

বামুণবাৰীৰ গন্ধীয়া গাঁৱত দেওৰেকৰ হাতত প্ৰাণ গ'ল বৌয়েকৰ ৷ ভতিজাকক মাৰিব নোৱাৰি বৌয়েককে দাৰে উপৰ্যুপৰি আঘাত কৰে দেওৰেকে ৷ ফলত দেওৰেকৰ আঘাতত মৃত্যু মুখত পৰে বৌয়েক ৷

টিংখাং,3 আগষ্ট: আজি আৰ্থাৎ মঙলবাৰে পুৱাই টিংখাঙত সংঘটিত হৈছে অঘটন ৷ টিংখাঙৰ বামুণবাৰী আৰক্ষী থানাৰ অন্তৰ্গত ২ নং গন্ধীয়া গাঁৱত সংঘটিত হৈছে এক নৃশংস হত্যাকাণ্ড । সম্পৰ্কীয় দেওৰেকৰ হাতত প্ৰাণ গ'ল বৌয়েকৰ ৷

ঘটনাৰ বিৱৰণি অনুসৰি, নিহত মহিলাগৰাকীৰ পুত্ৰ দিপাংকৰ কোঁৱৰৰ সৈতে খলিন্দ্ৰ কোঁৱৰৰ ঘৰুৱা কথাত তৰ্কা-তৰ্কিৰ সৃষ্টি হৈছিল ৷ যাৰ ফলত খৰ্গগ্ৰস্ত হৈ খলিন্দ্ৰ কোঁৱৰে দা লৈ ঘপিয়াবলৈ উদ্যত হ’ল দিপাংকৰ কোঁৱৰক ৷ প্ৰাণৰ মমতাত দিপাংকৰ কোঁৱৰে সেই স্থানৰ পৰা পলায়ন কৰে ৷

দিপাংকৰ কোঁৱৰক মাৰিব নোৱাৰি দিপাংকৰ কোঁৱৰৰ মাককে দাৰে উপৰ্যুপৰি আঘাত কৰে খলিন্দ্ৰ কোঁৱৰে ৷

লগতে পঢ়ক: তোলনীয়া কন্যাক ধৰ্ষণ কৰি আৰক্ষীৰ জালত পিতৃ

দাৰ আঘাতত ঘটনাস্থলিতে মৃত্যুক আকোঁৱালি লয় বিজয়া লক্ষী কোঁৱৰ(৬২) নামৰ মহিলাগৰাকী ৷ এই ঘটনা সংঘটিত কৰিয়েই ঘটনাস্থলীৰ পৰা পলায়ন কৰে অভিযুক্ত খলিন্দ্ৰ কোঁৱৰে ৷ পৰৱৰ্তী সময়ত ঘটনাস্থলীত উপস্থিত হয় আৰক্ষী ৷

ঘটনাস্থলীত আৰক্ষী উপস্থিত হৈ আৰম্ভ কৰে তদন্ত ৷ অৱশেষত আৰক্ষীয়ে আটক কৰিবলৈ সক্ষম হয় অভিযুক্ত খলিন্দ্ৰ কোঁৱৰক ৷ এই ঘটনাক কেন্দ্ৰ কৰি সমগ্ৰ অঞ্চলটোত বিৰাজ কৰিছে চাঞ্চল্য ৷

লগতে পঢ়ক: Facebook-ত পুলিচৰ সৈতে চিনাকি হৈ ক’ত গ’ল দুই সন্তানৰ মাতৃ জানমণি ?