মৰাণ,৩০ মাৰ্চ: ডিব্ৰুগড়ৰ সঞ্জীৱনী নাৰ্চিংহোমত চিকিৎসাধীন হৈ আছে লুৰিণজ্যোতি গগৈৰ মাতৃ ডুলু গগৈ । উচ্চ ৰক্তচাপজনিত ৰোগত আক্ৰান্ত হৈ আছিল বৰ্ষীয়ান মহিলাগৰাকী । বিগত দিনত জাতীয় পৰিষদৰ প্ৰায়বোৰ নেতা কৰ্মীয়ে চিকিৎসালয়ত লুৰিণজ্যোতি গগৈক সংগ দিয়া পৰিলক্ষিত হৈছে ।
মঙলবাৰে নেতা গৰাকীৰ মাতৃৰ স্বাস্থ্যৰ বুজ লয় লাহোৱালৰ বিজেপি বিধায়ক ঋতুপৰ্ণৰ বৰুৱাই । হাস্পতালত উপস্থিত হৈ বিধায়ক জনে মাতৃগৰাকীৰ স্বাস্থ্য সম্পৰ্কে চিকিৎসকৰ লগতো আলোচনাত মিলিত হয় ।
উল্লেখ্য যে, সোমবাৰে পুৱা লাইপুলি স্থিত নিজ বাসগৃহত গুৰুতৰভাৱে অসুস্থ হৈ পৰে লুৰিণজ্যোতি গগৈৰ মাতৃ ডুলু গগৈ । ইফালে মাতৃ ডুলু গগৈৰ সু-স্বাস্থ্য কামনাৰে ডিব্ৰুগড় জিলাৰ বিভিন্ন ঠাইত ৰাইজে বন্তি প্ৰজ্বলন কৰা দেখা গৈছে ।
লগতে পঢ়ক:সাংবাদিকৰ আগত আবেগিক হৈ পৰিল লুৰিণজ্যোতি গগৈ
