মৰাণ, 26 অক্টোবৰ : শাৰদীয় দুৰ্গোৎসৱৰ মাজতে মহিলা সৱলীকৰণৰ দিশত বিশেষ পদক্ষেপ লৈছে মৰাণৰ বিধায়ক চক্ৰধৰ গগৈয়ে । বিধায়কজনে মৰাণৰ ফটিকাছোৱা গাওঁৰ 20 গৰাকী প্ৰশিক্ষণপ্ৰাপ্ত শিপিনী লৈ দেওবাৰে উৰনীয়া মাকোঁ যুক্ত তাঁতশাল বিতৰণ কৰে ৷
তাঁতশাল বিতৰণ কৰি বিধায়কজনে কয়, শিপিনীসকলে আত্মনিৰ্ভৰশীলতাৰ বাটত আৰু এখোজ আগুৱাই যাব ৷ মহিলাসকল আত্মনিৰ্ভৰশীল হ'লেহে আত্মনিৰ্ভৰশীল অসম গঢ়াৰ মুখ্যমন্ত্ৰী সৰ্বানন্দ সোনোৱালৰ যি সপোন সেয়া পূৰণ হ'ব ৷
মৰাণ বিধানসভা সমষ্টিৰ মৰাণ, খোৱাং আৰু লেজাইত তিনিটাকৈ চৰকাৰী বয়ন কেন্দ্ৰ আছে যদিও বিভাগৰ তৰফৰ পৰা বিশেষ গুৰুত্ব আৰোপ নকৰাত কেন্দ্ৰ কেইটাত কোনোধৰণৰ প্ৰশিক্ষণৰ নতুন ব্যৱস্থা হৈ উঠা নাই ।
কেন্দ্ৰ কেইটাত কেৱল চৰকাৰী আঁচনি শুভাৰম্ভ কৰাহে পৰিলক্ষিত হৈছে । তাতঁশালৰ সকলো সঁজুলি থকাৰ পাছতো কেৱল চৰকাৰী বিভাগৰ অৱহেলাৰ বাবে বয়ন কেন্দ্ৰ কেইটা কাৰ্যক্ষম হৈ উঠা নাই ।
লগতে পঢ়ক: অসমত কোনো কাৰণতে মিঞা সংগ্ৰহালয় স্থাপন কৰা নহয় : হিমন্ত বিশ্ব শৰ্মা
