মৰাণ, 21 নৱেম্বৰ : মহামাৰী ক'ভিড-19 ত আক্ৰান্ত হৈ মৃত্যু হোৱা লোকসকলৰ পৰিয়ালক সহায় কৰাৰ উদ্দেশ্যে ৰাজ্য চৰকাৰে আৰম্ভ কৰিছে প্ৰাৰ্থনা আঁচনি । দেওবাৰে ডিব্ৰুগড়ৰ উপায়ুক্ত কাৰ্যালয়ত মন্ত্ৰী অতুল বৰাই প্ৰাৰ্থনা আঁচনিৰ অধীনত ক'ভিড-19 মহামাৰীত আক্ৰান্ত হৈ মৃত্যু হোৱা ব্যক্তিৰ পৰিয়ালক ২.৫ লাখ টকাকৈ প্ৰদান কৰে চেক ৷ দেওবাৰে ডিব্ৰুগড়ৰ উপায়ুক্ত কাৰ্যালয়ত সৰ্বমুঠ ১২ গৰাকী ব্যক্তিক চৰকাৰী সাহাৰ্যৰ এই চেক প্ৰদান কৰা হয় ।
এই অনুষ্ঠানত উপস্থিত থাকে ডিব্ৰুগড়ৰ উপায়ুক্ত বিশ্বজিৎ পেগু, আৰক্ষী অধীক্ষক স্বেতাংগ মিশ্ৰ, ডিব্ৰুগড় বিধায়ক প্ৰশান্ত ফুকন, ডিব্ৰুগড় উন্নয়ন প্ৰাধিকৰণৰ অধ্যক্ষ অসীম হাজৰিকাৰ লগতে কেইজনো বিশিষ্ট আৰু চৰকাৰী বিষয়ববীয়া । এই সভাতে ভাৰত চৰকাৰ তথা অসম চৰকাৰৰ বিভিন্ন আঁচনিসমূহ কাৰ্যকৰী কৰাৰ সন্দৰ্ভত বিভিন্ন বিভাগৰ বিষয়ববীয়াৰ সকলৰ সৈতে গুৰুত্বপূৰ্ণ আলোচনাত মিলিত হয় ডিব্ৰুগড়ৰ অভিভাৱক মন্ত্ৰী অতুল বৰা ।
আনহাতে, মুখ্যমন্ত্ৰীৰ ‘ক'ভিড বিধৱা সাহাৰ্য আঁচনি’ আৰু ‘প্ৰাৰ্থনা আঁচনি’ৰ অধীনত এককালীন সাহাৰ্যৰ পৰা বাদ পৰি ৰোৱা যোগ্য ব্যক্তি সকলক আবেদন কৰিবলৈ অনুৰোধ জনাইছে ডিব্ৰুগড় জিলা প্ৰশাসনে ৷
লগতে পঢ়ক: Guwahati AIIMS পৰিদৰ্শন কেন্দ্ৰীয় স্বাস্থ্যমন্ত্ৰী ড৹ মনসুখ মান্দাভিয়াৰ
