ডিব্ৰুগড়, ২ জানুৱাৰী: কৰ'ণাসৃষ্ট পৰিৱেশৰ মাজতে পুৰণিক বিদায় দি নতুনক আদৰি নৱবৰ্ষৰ প্ৰথম দিনটো সকলোৱে উদযাপন কৰিলে । ৰাজ্য়ৰ ইমূৰৰ পৰা সিমূৰলৈ সকলোৱে পালন কৰিলে নৱবৰ্ষৰ আনন্দ-উচাহ । ডিব্ৰুগড়ৰ মৰাণত বিভিন্ন ঠাইত বনভোজ দলে ভিৰ কৰাৰ সমান্তৰালভাৱে মৰাণ চহৰৰ সমীপৰ দিৰৈ বগৰী চাপৰিত নৱবৰ্ষক আদৰাৰ বাবে ব্যস্ত হোৱা দেখা গ'ল ৰাজহ আৰু ৰাজ্যিক গড়কাপ্তানী বিভাগৰ মন্ত্ৰী যোগেন মহনক ।
মন্ত্ৰীজনে পৰিয়ালৰ লোকৰ লগতে দলীয় কৰ্মীসকলক লৈ পুৱাৰ পৰা বগৰী চাপৰিত নৱবৰ্ষক আদৰণি জনায় । বছৰৰ পহিলা দিনাই মন্ত্ৰীগৰাকীয়ে নিজেই মাংস ৰান্ধি ৰাইজক খুৱায় । সমষ্টিবাসীৰ সৈতে বনভোজ খাই ৰাইজৰ লগত বিহু গাই নাচ-গান কৰিলে মন্ত্ৰীজনে । মুঠৰ ওপৰত কৰ'ণা আতংকৰ মাজতে এইবাৰ ব্যতিক্ৰমী ৰূপত নৱবৰ্ষক আদৰণি জনালে ৰাজ্যিক মন্ত্ৰী যোগেন মহনে ।
লগতে পঢ়ক: জিএমচিএইচৰ পৰা নিৰুদ্দেশ সৰুপথাৰৰ এজন ব্যক্তি
